ABŞ prezidenti Donald Tramp Rusiya və Ukraynanın bu həftə razılığa gələcəyinə ümid etdiyini bildirib.

Tramp bu açıqlamanı Zelenskinin mülki infrastruktura hücumlara qarşı 30 günlük atəşkəs təklifindən sonra verib.

Bunu Tramp “Truth” sosial şəbəkəsində yazıb.

Tramp paylaşımında deyib: "Onların ikisi də daha sonra böyük uğurlar əldə edən ABŞ ilə ciddi işlər görəcək və sərvət qazanacaq".

Tramp paylaşımını Ukrayna prezidenti Zelenskinin mülki infrastruktura hücumlara qarşı 30 günlük atəşkəs təklifindən dərhal sonra edib.

“Ukrayna uzun mənzilli pilotsuz təyyarələr və raketlərdən istifadə etməklə mülki infrastruktura hücumları ən azı 30 gün müddətinə dayandırmağı və bu müddətin uzadılması imkanı ilə təklif edir”, – Zelenski "X" platformasında deyib.

Onun sözlərinə görə, Rusiya bu təklifi rədd edərsə, bu, müharibənin davam etməsini istədiyinin sübutu olacaq.

Kreml isə daha əvvəl bəyan etmişdi ki, Rusiya prezidenti Putin Pasxa bayramında atəşkəsin uzadılmasına göstəriş verməyib.

Şərtlər yoxlanır

Aprelin19-da Putin Ukraynada davam edən müharibədə 30 saatlıq birtərəfli atəşkəs elan edib və iddia edib ki, bunun uğur qazanıb-qazanmayacağı Kiyevin münaqişənin sülh yolu ilə həllinə nə qədər hazır olduğunu göstərəcək.

Buna cavab olaraq Zelenski ölkəsinin Rusiyanın hərəkətlərinə cavab verəcəyini bildirib və qeyd edib ki, Kiyev “tam atəşkəs faktiki əldə olunarsa” fasilənin uzadılmasını təklif edib.

Lakin sonradan Kiyev Rusiyanın Kursk və Belqorod sərhəd rayonlarında döyüşlərin davam etdiyini iddia edib.

Tramp bu ilin yanvarında vəzifəyə başlayandan bəri Birləşmiş Ştatlar həm Ukrayna, həm də Rusiya ilə danışıqlar apararaq müharibəni dayandırmaq üçün diplomatik səylərdə fəal iştirak edir.