Türkiyə prezidenti Rəcəb Tayyib Ərdoğan Almaniya kansleri Fridrix Mertslə telefon danışığında İsrailin hücumunun regional təhlükəsizliyə olan riski ciddi şəkildə artırdığını bildirib.

Dövlət başçısı Ərdoğan İsrailin hücumları nəticəsində yaranan zorakılıq spiralının nəticələrinin miqrasiya və nüvə sızması ehtimalı baxımından bölgəyə və Avropaya zərər verə biləcəyini vurğulayıb.

Türkiyə Prezidenti Administrasiyasının İctimaiyyətlə Əlaqələr Departamentinin məlumatına görə, prezident Ərdoğan Almaniya kansleri Fridrix Mertslə telefon danışığında İranla nüvə mübahisələrinin həllinin yolunun danışıqlar masasından keçdiyini, İsrailin İrana hücumu ilə başlayan münaqişə prosesinin regional təhlükəsizliyə təhdidləri ən yüksək səviyyəyə çatdırdığını bildirib.

Məlumatda "Prezidentimiz İsrailin hücumları nəticəsində yaranan bu zorakılıq spiralının nəticələrinin miqrasiya və nüvə sızması ehtimalı baxımından bölgəyə və Avropaya zərər verə biləcəyi barədə xəbərdarlıq etdi" deyilib.

Prezident Ərdoğan İsrailin İrana hücumu ilə başlayan münaqişənin regional təhlükəsizliyə təhdidləri ən yüksək səviyyəyə çatdırdığını, iki liderin görüşündə ikitərəfli münasibətlər və regional məsələlərin də müzakirə edildiyini bildirib.