İstanbulda keçirilən kütləvi nümayişdə Fələstinin Qəzza bölgəsindəki İsrail zülmünə son qoyulması çağırışı edilib, iştirakçılar isə müsəlman ölkələrini hərəkətə keçməyə çağırıb və qlobal sükutu pisləyiblər.

İstanbulun Üsküdar rayonunda minlərlə insan humanitar yardım təşkilatlarının "Qəzza Ölür! Ayağa qalx!" şüarı ilə təşkil etdiyi nümayişde İsrailin Qəzzaya qarşı davam edən hücumlarını pisləmək üçün toplaşıb.

Aprelin 20-də keçirilən nümayişdə izdiham İsrailin 7 oktyabr 2023-cü ildən bəri on minlərlə insanın həyatına son qoyan Qəzzaya hücumuna etiraz etmək üçün Üsküdar Meydanına yürüş edib.

Nümayişçilər Türkiyə və Fələstin bayraqları dalğalandırıb, “Yox olsun zalım İsrail” kimi şüarlar səsləndirib, “Fələstində 50.800-dən çox şəhid” ilə “Qəzzanın blokadası qanunsuzdur” yazılı plakatlar qaldırıblar.

İştirakçılar Qəzza xalqı ilə həmrəylik mesajları veriblər, natiqlər isə əksəriyyəti müsəlman olan ölkələri İsrailin insanlığa qarşı cinayətlərinə qarşı durmağa çağırıblar.

İzdiham qarşısında çıxış edən Humanitar Yardım Vəqfinin (İHH) sədr müavini Əhməd Göksun İsrailin qəddarlığını pisləyərək, ölkənin Qəzza mühasirəsi ilə öz vəhşiliyini bütün dünyaya çatdırıb

Göksun “Bu vəhşiliyə, soyqırıma və qəddarlığa son verin” deyib.

O, İslam dünyasının “qorxaqlar və ortaqlar” olaraq ikiyə bölündüyünü söyləyib və fəaliyyətsiz qalmağın ciddi fəsadları olacağı barədə xəbərdarlıq edib.

Göksun "Ortaqlar bir gün mütləq hesab verəcəklər. Biz buradan qorxaqlara səslənirik. Qəzzada tankların qarşısında dayanan uşaqlar qədər cəsarətiniz yoxdurmu?" deyib.

Etiraz nümayişi İsrailin Qəzzaya hərbi hücumu ilə bağlı qlobal artan tənqidlər aldığı və Türkiyə də daxil olmaqla bir çox ölkədə kütləvi nümayişlərə səbəb olduğu bir vaxtda keçirilib.