Sudanın ordu tərəfindən təyin edilmiş Baş naziri Kamil İdris vəzifəyə başlamasından cəmi iki həftə sonra mövcud hökuməti buraxıb.

Rəsmi xəbər agentliyi SUNA-nın məlumatına görə, İdris yeni kabinet formalaşana qədər müavinləri və baş katiblərlə birlikdə nazir vəzifəsini davam etdirəcək.

Kamil İdris may ayında baş nazir postunun üç ildən artıq boş qalmasından sonra hərbi qüvvələr tərəfindən dəstəklənən Müvəqqəti Suveren Şura tərəfindən bu vəzifəyə təyin edilib.

Daha əvvəl Ümumdünya Əqli Mülkiyyət Təşkilatının baş direktoru vəzifəsində çalışmış İdrisin rəhbərlik edəcəyi yeni hökumətin vətəndaş müharibəsindən sonra ölkədə siyasi sabitliyi bərpa edəcəyi gözlənilir.

Qeyd edək ki, Sudan Silahlı Qüvvələrinin üzvləri martın 26-da paytaxt Xartumdakı Prezident sarayından geri çəkilib.

İdris vəzifəyə gəldikdən bir gün sonra ictimaiyyətə müraciət edərək, ölkədəki bütün siyasi qruplarla bərabər məsafə saxlayacaqlarını vurğulayıb.