Rusiya prezidenti Vladimir Putin Qəzzadakı Fələstin ərazisindən bir rus vətəndaşının azad edilməsindən sonra HƏMAS-a təşəkkür edib.

Kremldə bu yaxınlarda azad edilmiş Rusiya vətəndaşı Aleksandr Trufanov və ailəsi ilə görüşən Putin çərşənbə günü bildirib ki, onun azad edilməsi Rusiyanın Fələstin xalqı ilə uzunmüddətli münasibətləri ilə əlaqəlidir.

“Əlbəttə, biz əlimizdən gələni edəcəyik ki, oxşar uğurları tez-tez təkrar edək və bu cür çətinliklərlə üzləşənlərin azadlığını təmin edək”, - Putin bildirib.

Trufanovla görüşdə "Düşünürəm ki, HƏMAS-ın siyasi rəhbərliyinə bizim çağırışımıza qulaq asdığına və bu humanitar hərəkəti həyata keçirdiyinə görə təşəkkür etməliyik, siz azad olunmusunuz. Buna görə sizi təbrik etmək istəyirəm", - deyə ölkə başçısı əlavə edib.

ABŞ və İsrailin ikiüzlülüyü

Həftənin əvvəlində İsrail əsilli amerikalı girov Edan Alexander prezident Donald Trampı Netanyahunun yalanlarına inandığına görə tənqid edib.

"Hamı yalan danışdı: mənim xalqım, İsrail hökuməti, hərbçilər və ABŞ administrasiyası", - Aleksandr deyib.

O, əlava edib ki, HƏMAS bir neçə həftə əvvəl girovları azad etməyə hazır idi, lakin Netanyahu bundan imtina etdi və atəşkəs rejiminə son qoyaraq müharibəni yenidən başlatmağa qərar verdi.