Türkiyə prezidenti Rəcəb Tayyib Ərdoğan Qurban bayramı münasibətilə dünya müsəlmanlarına təbriklərini çatdırıb və Fələstin xalqı ilə digər münaqişələrdən əziyyət çəkən insanlarla həmrəyliyini ifadə edib: “Ölkəm və millətim adından İsrailin bütün vəhşiliyinə qarşı ləyaqətli müqavimət göstərən və Qəzza ilə birlikdə işğal olunmuş digər ərazilərdə qəhrəmanlıqla mübarizə aparan fələstinli bacı-qardaşlarımızı Qurban bayramı münasibətilə təbrik edirəm. Həmçinin Qəzzada həyatını itirənlərə ehtiramını ifadə edərək bu hücumlarda şəhid olanların ailələrinə başsağlığı verir, yaralananlara şəfalar diləyirəm.

  Qəzza, Sudan və Somali kimi münaqişələrdən təsirlənən bölgələrdə qeyri-sabitliyin tezliklə sona çatacağına ümid edirəm.

  Türkiyə Fələstində zorakılığın dayandırılmasına sadiqliyini təsdiqləyir.

  Biz Fələstində soyqırımın dayandırılması və Rusiya-Ukrayna müharibəsinin ədalətli sülhlə sona çatması üçün əlimizdən gələni edirik. İyunun 2-də İstanbulda keçirilən son görüş 4-cü ilinə daxil olan qanlı müharibənin sona çatması üçün tarixi addımdır.

  Türkiyənin qonşusu Suriyada ölkənin yeni administrasiyasının səylərini alqışlayırıq. Suriyanın milli birlik, ərazi bütövlüyü və uzunmüddətli inkişaf arzularını dəstəklədiyirik. Regiondakı bütün ölkələrin dəstəyi ilə inanırıq ki, Suriya daimi sülhə nail olacaq və əvvəlki şöhrətini bərpa edəcək.”