Tayvanın Sahil Mühafizə Xidməti iyunun 8-də hərbi qüvvələrlə birgə Taybeydə artan "Boz zona" təhdidinə qarşı təlimlər keçirib.
Tayvan dəfələrlə Çinin adanın ətrafında sualtı kabelləri kəsməsi və qum qazıntısı kimi fəaliyyətlərindən şikayət edib. Bunlar birbaşa qarşıdurma olmadan təzyiq göstərmək məqsədi daşıyır. Belə hallarda Tayvanın sahil mühafizəsi ilk cavab verən qurum olur.
Təlim zamanı sahil mühafizəsi Daxili İşlər Nazirliyinə məxsus xilasetmə və orduya aid tibbi evakuasiya helikopterləri ilə əməkdaşlıq edərək gəmiləri nəzarətə götürüb və yaralıları təxliyə edib. Sonda Tayvan Sahil Mühafizə Xidməti ilk dəfə nazirliyin sualtı qayıq əleyhinə, tibbi evakuasiya və xilasetmə helikopterlərilə uçuş həyata keçirib.
“Tayvan Çindən gələn davamlı “Boz zona” müdaxilələri ilə üzləşir. Lakin sahil mühafizəsi həmişə qanunun aliliyini qorumaq və Tayvan xalqının həyatını, təhlükəsizliyini qorumaq üçün ön cəbhədə olub,” - deyə təlimlərdə iştirak edən Tayvanın baş naziri Lai bildirib.
Təlimlərdə ABŞ-ın Kaohsiunqdakı Baş diplomatı Neil Qibson da iştirak edib.
“Hökumət bütün qurumların gücünü birləşdirməyə və milli təhlükəsizliyi qorumaq, Tayvanın demokratiya və azadlığını müdafiə etmək üçün cəmiyyətin ümumi möhkəmliyini artırmağa davam edəcək,” - deyə Lai əlavə edib.
