İran İnqilab Keşikçiləri Korpusu bildirib ki, münaqişə “sionist düşmən və amerikalıların İslami İrana qarşı məqsədləri və qiymətləndirmələrinin tamamilə səhv olduğunu” göstərib.

İran İnqilab Keşikçiləri Korpusu (SEPAH) iyunun 16-da verdiyi açıqlamada bildirib ki, səkkizinci hücum dalğasında İsrailin çoxsəviyyəli müdafiəsini pozmaq üçün yeni üsullardan istifadə edərək, İsrailin öz müdafiə qüvvələrinin bir-birini hədəf almasına imkan yaradan metadlardan istifadə edilmişdir.

SEPAH hücumu "əvvəlkilərdən daha güclü və dağıdıcı" olaraq xarakterizə edib və hücumda istifadə edilən qabaqcıl kəşfiyyat və avadanlıq imkanlarının İsrail müdafiəsinin uğursuzluğuna səbəb olduğunu vurğulayıb:

“Düşmənin çox mərhələli müdafiə sistemləri elə pozulub ki, rejimin müdafiəsi bir-birini hədəfə alıb”.

SEPAH bildirib ki, İsrailin müdafiə texnologiyalarına “ABŞ və Qərbin geniş dəstəyinə” baxmayaraq, onun innovativ üsulları maksimum raket hücumlarının hədəflərinə çatmasına imkan verib.

İran əməliyyatı həlak olmuş komandirlərin vədlərinin yerinə yetirilməsi kimi qiymətləndirib və bildirib ki, bu, “sionist düşmən və amerikalıların İslami İrana qarşı hesablamaları və qiymətləndirmələrinin tamamilə səhv olduğunu” göstərir.

SEPAH xəbərdarlıq edib ki, “saxta rejim”in həyati hədəflərinə qarşı “effektiv, məqsədyönlü və daha dağıdıcı” əməliyyatlar “tamamilə məhv edilənə qədər” davam edəcək.

Qeyd edək ki, iyunun 16-da həyata keçirilən hücumlar onlarla insanın ölümünə və yaralanmasına səbəb oldu. İsrail qüvvələri iyunun 13-də səhər tezdən İrana hücum edərək, onun nüvə və raket obyektlərini hədəfə aldı və yüksək rütbəli hərbi komandirləri və alimləri öldürməsi ilə nəticələnən münaqişə daha da genişləndi.