ABŞ-ın Suriya üzrə xüsusi nümayəndəsi müsahibəsində bildirib ki, Birləşmiş Ştatlar Suriyadakı hərbi mövcudluğunu azaltmağa başlayıb və nəticədə buradakı bazalarından birindən başqa bütün bazalarını bağlamağa başladı.

Uzun illər Suriya rejiminə rəhbərlik etmiş Bəşər Əsədin devrilməsindən 6 ay sonra ABŞ DEAŞ terror təşkilatı ilə mübarizə üçün 2014-cü ildə başlatdığı “Təbii Qərarlılıq Əməliyyatı" çərçivəsindəkı mövcudluğunu mərhələli olaraq azaldır.

ABŞ-ın Suriya üzrə xüsusi nümayəndəsi Tom Barak mayın 2-də axşam NTV telekanalına müsahibəsində deyib: “Hərbi səviyyədə bizim “Təbii Qərarlılıq Əməliyyatı”nda iştirakımız azalır. Baza sayını səkkizdən beşə, sonra üçə endirdik. Axırda, bir bazaya enəcək".

Lakin Barak etiraf edib ki, Suriya dekabrda Əsədi devirən koalisiyanın lideri Əhməd Şaraanın müvəqqəti hökuməti dövründə hələ də ciddi təhlükəsizlik problemləri ilə üzləşir.

Əsədin devrilməsi Suriyada 14 illik qanlı vətəndaş müharibəsinə son qoysa da, yeni administrasiya son məzhəb zorakılığını cilovlamaq üçün mübarizə aparıb.

Çətinliklərə baxmayaraq Suriya uğur qazanacaq

Eyni zamanda ABŞ-ın Türkiyə səfiri olan Tom Barak ölkənin etnik və dini qruplarını "inteqrasiya etməyə" çağıraraq, "Hələ çox qəbiləli quruluşu var. Onları bir araya gətirmək çox çətindir, amma məncə, bu baş verəcək" deyib.

Qeyd edək ki, Pentaqon aprel ayında elan etmişdi ki, yaxın aylarda Suriyadakı əsgərlərinin sayını yarıya qədər azaldacaq və 1000-dən az olacaq. DEAŞ-ın mövcudluğu isə “qalıqlar” səviyyəsinə endirilib.

Rəsmi Ankara ABŞ-ın Suriyadakı bazalarını tənqid edərək, Vaşinqtonu PKK-nın Suriyadakı qanunsuz qolu olan YPG terror təşkilatına yardım və müdafiə etməkdə ittiham edib.