Çin mayın 18-də ABŞ, Avropa İttifaqı, Yaponiya və Tayvandan idxal olunan mühəndislik plastiklərinin bir növü olan POM kopolimerlərinə qarşı 74,9 faizə qədər antidempinq rüsumları tətbiq etdiyini bildirddi.
Çin Ticarət Nazirliyi 2024-cü ilin may ayında ABŞ-ın Çin elektrik avtomobilləri, kompüter çipləri və digər idxallara tarifləri kəskin artırmasından qısa müddət sonra başladığı təhqiqatın nəticələrini açıqlayıb.
POM kopolimerləri mis və sink kimi metalları qismən əvəz edə bilir və avtomobil hissələri, elektronika və tibbi avadanlıqlar daxil olmaqla müxtəlif sahələrdə istifadə olunur.
İlk dempinq 2025-ci ilin yanvarında baş verib. Həmin ayın 24-ündən isə depozit şəklində ilkin antidempinq tədbirləri tətbiq edilib.
Tarif müharibəsi davam edir
ABŞ-dan idxal olunan məhsullara ən yüksək antidempinq olaraq 74,9, Avropa göndərişlərinə 34,5, Yaponiyadan gələnlərə 35,5, “Asahi Kasei Corp” şirkətinə 24,5, Tayvan mallarına 32,6, “Formosa Plastics”ə 4, “Polyplastics Taiwan”a isə 3.8 faiz rüsum qoyub.
Çin-ABŞ ticarət müharibəsinin azalacağına dair ümidlər yenicə artmışdı, çünki hər iki tərəf 12 mayda qarşılıqlı tariflərin azaldılması ilə bağlı 90 günlük atəşkəs elna etmişdilər. Hətta “Global Times” mayın 16-da bu razılaşmanın uzadılmalı olduğunu yazmışdı. Amma Cənubi Koreyada keçirilən görüşdən sonra Asiya-Sakit Okean İqtisadi Əməkdaşlıq qrupu elə həmin gün yayımladığı bəyanatda qlobal ticarət sisteminin qarşısında duran növbəti əsas problemlər barədə xəbərdarlıq etmişdi.
