Şimali Koreyanın rəsmi KCNA xəbər agentliyinin məlumatına görə, Şimali Koreya Xarici İşlər Nazirliyi ABŞ-ın Qızıl Günbəz raketdən müdafiə sistemi layihəsini çox təhlükəli bir təhdid cəhdi olaraq qiymətləndirib.

ABŞ Prezidenti Donald Tramp mayın 20-də 175 milyard dollarlıq bu iddialı proqrama nəzarət etmək üçün rəhbər təyin edildiyini açıqlayıb.

Şimali Koreya Xarici İşlər Nazirliyinə tabe olan Amerika Tədqiqatları İnstitutu çərşənbə axşamı yaydığı bəyanatda bu ifadələrə yer verib: "Qızıl Günbəz planı 'İlk öncə Amerika' zehniyyətinin tipik məhsuludur. Layihə nüvə müharibəsi ssenarisini təbliğ edir."

Qeyd edək ki, Qızıl Günbəz layihəsi qabaqcıl sensorlarla təchiz edilmiş yüzlərlə peykdən ibarət qlobal bir şəbəkə qurmağı hədəfləyir. Bu sistem Çin, İran, Şimali Koreya və ya Rusiya kimi ölkələrdən atılan raketləri atılmasından qısa bir müddət sonra aşkar edib məhv etmək məqsədi güdür.

Çin keçən həftə bu plana qəti şəkildə qarşı çıxıb və layihənin ciddi narahatlıq doğurduğunu bildirərək, rəsmi Vaşinqtonu sistemin inkişafını dayandırmağa çağırıb.