NATO-nun baş katibi cümə axşamı Türkiyənin Ukrayna–Rusiya sülh danışıqlarında göstərdiyi misilsiz diplomatik təsiri yüksək qiymətləndirib və alyans daxilindəki fikir ayrılıqları fonunda birliyə çağırış edib.

Baş katib Mark Rutte jurnalistlərə verdiyi açıqlamada deyib: "Türkiyə bu prosesdə mühüm rol oynayır, çünki bütün əlaqədar tərəflərlə yaxşı münasibətlərə malikdir."

Ukraynanın danışıqlara hazır olduğunu bildirməsinə baxmayaraq, Rutte vurğulayıb ki, Türkiyənin həm gücü, həm də etibarlılığı gələcək sülh danışıqlarında mərkəzi rol oynayacaq.

Qeyd edək ki, NATO-ya üzv ölkələrin xarici işlər nazirlərinin toplantısında Ukrayna, silah əməkdaşlığı və sənaye potensialının müzakirə olunması gözlənilir.

ABŞ dövlət katibi Marko Rubio isə cümə axşamı bildirib ki, prezident Donald Tramp Rusiya ilə Ukrayna arasında müharibəyə ədalətli sülh yolu ilə son qoyacaq istənilən təşəbbüsə açıqdır.

Türkiyədə xarici işlər nazirlərinin qeyri-rəsmi görüşündən əvvəl çıxış edən Rubio ABŞ-ın yaxın bir neçə gün ərzində real irəliləyiş görmək istədiyini də vurğulayıb.