ABŞ Dövlət Departamenti Massaçusets ştatındakı Tafts Universitetində təhsil alan Türkiyə vətəndaşı Rumeysa Öztürkün antisemitizm fəaliyyəti ilə məşğul olduğuna və ya terror təşkilatına dəstək verdiyinə dair heç bir dəlil tapa bilməyib.

"Washington Post" qəzetinin yazdığına görə, ABŞ Dövlət Departamentində mart ayında hazırlanan daxili yazışmada Tramp administrasiyasının Öztürkün HƏMAS-ı dəstəklədiyi və ya Daxili Təhlükəsizlik Departamentinin (DHS) iddia etdiyi kimi antisemitizm və ya zorakılıqda iştirak etdiyi iddiası əsasında vizasını ləğv etmək üçün heç bir dəlil olmadığını göstərdi.

“Post” qəzetinə danışan anonim mənbələrin bildirdiyinə görə, yazışmada dövlət katibi Marko Rubionun ölkənin xarici siyasət maraqlarını müdafiə etməyə imkan verən müddəa əsasında Öztürkün vizasını ləğv etmək üçün kifayət qədər əsasının olmadığı bildirilir.

Tufts Universitetində "Fulbright" təqaüdü ilə təhsil alan Rumeysa Öztürk gündüz saatlarında Somervilledəki mənzilinin qarşısında maskalı ABŞ Miqrasiya və Gömrük Mühafizəsi (ICE) agentləri tərəfindən saxlanılıb.

Rumeysa Öztürk İsrail tərəfdarı olan "Canary Mission" internet saytı türk tələbəni 2024-cü ilin martında “The Tufts Daily” tələbə qəzetində İsrailin Qəzzada törətdiyi vəhşi qırğınlara universitetin reaksiyasını tənqid edən məqalənin həmmüəllifi olduğu üçün onlayn olaraq hədəf alındıqdan sonra saxlanılıb.

DHS-in yüksək rütbəli rəsmisi Andre Vatsonun Dövlət Departamentindəki həmkarına ünvanladığı yazıda “Öztürk HƏMAS-ın 7 oktyabr 2023-cü ildə israillilərə qarşı terror hücumlarından sonra anti-İsrail fəallığına qatıldı” deyilib.

Yazıda həmçinin Öztürkün “məqaləni birgə yazdığı” və orada “Tufts"dan investisiyalarını açıqlamasını və İsraillə birbaşa və ya dolayı əlaqəsi olan şirkətlərdən əl çəkməsini tələb etdiyi” qeyd edilib.

Ümidsiz cəhdlər

"Post" tərəfindən təqdim edilən başqa bir daxili yazışmaya görə, DHS Dövlət Departamentinə Öztürkün vizasının Miqrasiya və Vətəndaşlıq Qanununun dövlət katibinin bir şəxsin orada olmasının ABŞ üçün “mənfi siyasət nəticələri” olacağına inanmaq üçün “məqbul əsaslara” malik olmasını tələb edən müddəasına uyğun olaraq ləğv edilməsini tövsiyə edib.

Sözügedən daxili yazışmada ABŞ hökumətinin heç bir datada Öztürkün terrorla əlaqəsinin olduğuna dair məlumatın yer almadığı bildirilib. Ayrı bir daxili yazışmada da Öztürkün vizasının ləğvinin "səssiz" bir şəkildə tətbiq ediləcəyi, yəni ona əvvəlcədən məlumat verilməyəcəyi bildirilib.

Mart ayında gündəlik mətbuat brifinqində məsələ ilə bağlı sual verildikdə, departament sözçüsü Tammy Brus "məhkəmə prosesində olan, məhkəmələrdə qərar verilmiş bir şey" haqqında danışa bilməyəcəyini söyləyib.

"Görünür, DHS onun həbsini şərtləndirən cinayətlər törətdiyini müəyyən edib" deyə Bruce əlavə edib və heç bir sübut təqdim etməyib.

Təzyiqlər

Amerikalı hakimlərdən biri bildirib ki, Öztürkün azadlığa buraxılmasına baxmazdan əvvəl onun ərizəsi ilə bağlı qərar vermək səlahiyyətinin olub-olmadığını müəyyən etməlidir.

Qeyd edək ki, Öztürkün işi İsrailin blokadada olan bölgələrdə soyqırımını tənqid edən Fələstin tərəfdarı tələbələri hədəf alan silsilə işlərdən yalnız biridir.

Xatırladaq ki, martın 8-də ABŞ hakimiyyəti ötən ilin yazında Kolumbiya Universitetində Fələstin tərəfdarı etirazlara rəhbərlik edən Mahmud Xəlili həbs edib. Tramp Xəlilin həbsini alqışlayıb və bunun “oxşar addımların başlanğıcı” olduğunu deyib.

Tramp Xəlili heç bir sübut olmadan HƏMAS-ı dəstəkləməkdə ittiham edib. Xəlil müqavimət qrupu olan HƏMAS ilə hər hansı əlaqəni inkar edir. Aprelin 12-də ABŞ hakimi Xəlilin deportasiya oluna biləcəyinə qərar verib.

Trampın “oxşar addımların başlanğıcı” olacağını dediyi həbslər Xəlilin həbsindən bir neçə gün sonra başqa bir Fələstin tərəfdarı tələbənin, Corctaun Universitetində hindistanlı tədqiqatçı Badar Xan Surinin həbsindən sonra baş verdi. Surinin vəkili bildirib ki, müvəkkili həyat yoldaşı fələstinli olduğu üçün həbs edilib.

Surinin həbsindən sonra səlahiyyətlilər Fələstin tərəfdarı olan başqa bir tələbə Momodou Taalın arxasınca getdi və onun təslim olmasını tələb etdi.

Martın 25-də Kolumbiya Universitetinin tələbəsi Yunseo Çunq bildirib ki, keçən ilin yazında Fələstin tərəfdarı etiraz aksiyasında iştirak etdiyinə görə onun ABŞ-dan deportasiyasını əngəlləmək üçün Tramp administrasiyasını məhkəməyə verib.

Leqaa Kordia, Rancani Srinivasan və Alireza Doroudi də daxil olmaqla digər tələbələr ya saxlanılıb, ya da öz istəkləri ilə ölkəni tərk ediblər.