Üç il davam edən müharibəyə son qoymaq üçün diplomatik səylər iki tərəf arasında son birbaşa danışıqların demək olar ki, üç həftə əvvəl baş tutmasından sonra dalana dirənib və bundan sonra danışıqlar planlaşdırılmır.
Kiyev hərbi administrasiyasının rəhbəri Timur Tkaçenko deyib: "Paytaxta daha bir böyük hücum edildi. Yəqin ki, düşmənin bir neçə pilotsuz təyyarəsi ilə hücum həyata keçirildi".
Kiyev meri Vitali Kliçko bildirib ki, iki nəfər Solomianski rayonunda xəstəxanaya aparılıb, daha iki nəfər isə Svyatoçinski rayonundakı metro stansiyası yaxınlığında yaralanıb.
AFP-nin Kiyevdəki müxbirləri şəhərin mərkəzi üzərində uçan pilotsuz uçan aparatın səsini, partlayışlar və atışma səslərini eşidiblər.
Onlar Kiyevin mərkəzindəki binanın zirzəmisinə sığınan 10-a yaxın adamın hücumun bitməsini gözlədiyini, bir çoxunun telefonlarında xəbər axtardığını görüblər.
Qeyd edək ki, son hücumlar Ukraynanın baş komandanı Oleksandr Syrskynin Rusiyaya qarşı hücumları gücləndirəcəyini elan etməsindən sonra baş verib.
O, "Biz sadəcə müdafiədə oturmayacağıq. Çünki bu, heç nəyə nail olmayacaq və nəticədə geri çəkilməyimizə, insanları və ərazilərimizi itirməyimizə gətirib çıxaracaq" deyib.
Syrsky Ukraynanın Rusiya hərbi obyektlərinə hücumlarını davam etdirəcəyini və bunun "effektiv" olduğunu sübut etdiyini bildirib.
Ədalətli cavab
Ukrayna müharibə boyu Rusiyaya qarşı cavab hücumları həyata keçirərək, bəzən cəbhə xəttindən yüzlərlə kilometr uzaqda yerləşən enerji və hərbi infrastrukturu hədəfə alıb.
Kiyev deyir ki, zərbələr Rusiyanın Ukrayna infrastrukturuna və mülki insanlara qarşı ölümcül hücumlarına ədalətli cavabdır.
Səlahiyyətlilər bildiriblər ki, Rusiyanın Ukraynanın şərqindəki Kramatorsk şəhərində yaşayış binasına bir gecədə təşkil etdiyi hücumda azı 4 nəfər, günorta saatlarında isə Ukrayna hərbi poliqonuna hücum nəticəsində daha 3 nəfər ölüb.
Syrsky ətraflı açıqlamalar verərək, Rusiyanın pilotsuz təyyarələrlə mübarizədə, xüsusən də bağlanan, sıxışdırılması çətin olan fiber-optik dronların yaradılmasında bəzi üstünlüklərə sahib olduğunu etiraf edib və deyib ki, burada, təəssüf ki, həm sayda, həm də mdiapazonnzil baxımından üstünlüyə malikdirlər.
