Конвој на ОН што доставувал храна во суданскиот Ал Фашир во Северен Дарфур бил нападнат во текот на ноќта, изјави портпарол на Агенцијата на ОН за деца (УНИЦЕФ) во вторник за Ројтерс, додавајќи дека првичните извештаи укажуваат на „повеќе жртви“.

„Добивме информации за конвој со камиони на ВФП (WFP) и УНИЦЕФ што беше нападнат синоќа додека биле позиционирани во Ал Кома, Северен Дарфур, чекајќи одобрение да продолжат кон ал-Фашир“, рече портпаролката на УНИЦЕФ.

Таа не кажа кој е одговорен за нападот.

Претходно беа пријавени услови на глад во ал-Фашир, главниот град на Северен Дарфур, бидејќи двегодишната војна го прекина снабдувањето.

Од април 2023 година, паравоените Сили за брза поддршка (РСФ) се борат против армијата за контрола врз Судан, што резултираше со илјадници смртни случаи и создаде една од најлошите хуманитарни кризи во светот.

Според ОН и локалните власти, повеќе од 20.000 луѓе се убиени, а 15 милиони се раселени. Сепак, истражувањата на американските научници го проценуваат бројот на жртви на околу 130.000.