Израелската војска уби 43 Палестинци користејќи муниција произведена од САД во два документирани воздушни напади во блокираниот Појас Газа, се вели во извештајот на Амнести интернешенел.

„Новата истрага на Амнести интернешнал откри дека муницијата за заеднички директен напад (ЈДАМ) од САД била користена од страна на израелската војска во два смртоносни, незаконски воздушни напади врз домови полни со цивили во окупираниот Појас Газа“, се вели во објавата на организацијата на X.

„Во двата напади загинаа вкупно 43 цивили. Во двата случаи, преживеаните рекоа дека немало предупредување за неизбежниот напад.

Овие напади беа или директни напади врз цивили или цивилни објекти или неселективни напади. Тие мора да бидат истражени како воени злосторства“, рече понатаму Амнести.

Организацијата, исто така, ги повика САД да го прекинат снабдувањето со оружје за Израел.

„САД мора веднаш да престанат да му префрлаат оружје на Израел што поверојатно ќе биде искористено за извршување или зголемување на ризиците од кршење на меѓународното право“, се заклучува во извештајот.

Израел ја продолжи својата воена офанзива врз Појасот Газа во петокот по завршувањето на еднонеделната хуманитарна пауза со палестинската група Хамас.

Најмалку 15.899 Палестинци се загинати, а над 42.000 се повредени во немилосрдните воздушни и копнени напади врз енклавата од 7 октомври по прекуграничниот напад на Хамас.