Доцни изградбата на италијански центри за мигранти во Албанија, чиј капацитет ќе биде 3.000 луѓе.

Во ноември минатата година, италијанската и албанската влада се договорија за изградба на два центри за прием и сместување на мигрантите спасени на италијански воени бродови. Отворањето беше одложено од планираниот мај до почетокот на август, но сега има знаци за ново одложување.

Тоа се два центри под италијанска јурисдикција. Првиот, во пристаништето во градот Шенѓин, ќе наменет за прием и идентификацијата на спасените мигранти. Директорот на пристаништето Сандер Мараши тврди дека центарот е подготвен за прием на мигранти повеќе од еден месец и затоа пристанишните активности нема да бидат попречени.

Ѓадер на 24 километри во внатрешноста на Албанија, веднаш до поранешниот воен аеродром ќе биде локацијата каде ќе има центар наменет за привремено сместување на барателите на азил. Сепак, неколку дена пред планираното отворање, работите се далеку од завршенит.

Во последните децении две третини од жителите на Ѓадер се иселиле. Многумина во ова гледаат можност и за заработка.

„Кога се започна, луѓето беа малку скептични. Но сега гледаат можност за подобар живот бидејќи центарот вработува, а луѓето се задоволни“, рече локалниот рече локалниот претставник Сандер Прека.

Капацитетот на двата центри ќе биде 3.000 луѓе. Теоретски, низ него годишно треба да минуваат 36.000 мигранти, исклучиво полнолетни мажи. Се вели дека успешните апликанти добиваат азил во Италија, која наводно потрошила дури 670 милиони евра за работата на двата центри во текот на пет години.

Албанија ќе биде одговорна за протерување на неуспешните кандидати и, според критичарите, тоа би можело да го интензивира мигрантскиот бран на Балканот.

Италијанската премиерка Џорџија Мелони за време на својата посета во јуни најави отворање на центрите за денеска, но според неофицијални извори од италијанската влада се очекува тоа да биде одложено за најмалку десет дена.