КУЛТУРА
2 МИН ЧИТАЊЕ
Жештините предизвикаа над 47.000 смртни случаи во Европа во 2023 година
Истражувачите откриле дека земјите во јужна Европа имаат највисоки стапки на смртност поврзани со топлина па Грција (393 смртни случаи на милион жители), Бугарија (229), Италија (209) и Шпанија (175) ги зазедоа првите четири места во проценката
Жештините предизвикаа над 47.000 смртни случаи во Европа во 2023 година
Значително повеќе жени умреле од ефектите на топлината отколку мажите / Photo: Reuters
17 август 2024

Експертите проценуваат дека повеќе од 47.000 луѓе починале како резултат на високите температури во Европа во 2023 година, најжешката година досега.

Бројката е наведена во студија објавена во списанието Natural Medicine, која е направена со методот на моделирање.

Меѓутоа, меѓународната истражувачка група предводена од Институтот за глобално здравје во Барселона, исто така, заклучи дека општеството се прилагодило на високите температури.

Тимот користеше податоци на Евростат за 96 милиони смртни случаи за да процени колку од нив биле поврзани со топлина во 2023 година во 823 региони од 35 европски земји.

Според проценките, минатата година 47.690 смртни случаи во Европа се поврзани со високите температури. Ова е втора највисока стапка на смртност од почетокот на ваквите мерења во 2015 година, а највисоката стапка е забележана во 2022 година.

Истражувачите откриле дека земјите во јужна Европа имаат највисоки стапки на смртност поврзани со топлина. Грција (393 смртни случаи на милион жители), Бугарија (229), Италија (209) и Шпанија (175) ги зазедоа првите четири места во проценката.

За споредба, стапката во Германија беше 76 смртни случаи на милион жители во 2023 година.

Во конкретни бројки, истражувачката група проценува дека во 2023 година бројот на смртни случаи поврзани со топлина во Италија бил нешто помалку од 12.750, а во Германија 6.376.

Во речиси сите испитувани земји, значително повеќе жени умреле од ефектите на топлината отколку мажите, а особено беа погодени постарите лица.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us