СВЕТ
3 МИН ЧИТАЊЕ
Нетанјаху: Не е вистина дека 90% од договорот со Хамас е завршен
Во интервјуто за американскиот канал Фокс њуз израелскиот премиер Нетанјаху ја оцени актуелната ситуација во врска со можниот прекин на огнот во Газа и ставот на Тел Авив кон овој процес
Нетанјаху: Не е вистина дека 90% од договорот со Хамас е завршен
Нетанјаху рече дека Хамас е одговорен за целата оваа ситуација / Фото: AA
6 септември 2024

Израелскиот премиер Бенјамин Нетанјаху ја отфрли изјавата на американската администрација дека „90 % од договорот за прекин на огнот во Газа е завршен“ и додаде дека не се близу до договор за прекин на огнот, пренесува Анадолу.

Во интервјуто за американскиот канал Фокс њуз израелскиот премиер Нетанјаху ја оцени актуелната ситуација во врска со можниот прекин на огнот во Газа и ставот на Тел Авив кон овој процес.

На прашањето: „Дали сметате дека е точна изјавата на администрацијата на Бајден дека 90 % од договорот за прекин на огнот во Газа е завршен?“, Нетанјаху отсечно одговори „Не, тоа не е вистина.“

Истакнувајќи дека Хамас рекол „не“ за договорот што го објави американскиот претседател Џо Бајден што беше на дневен ред во јули, Нетанјаху тврдеше дека единствено барање на Хамас е „израелските војници да ја напуштат Газа“.

Тој изјави дека е погрешно сè уште да се очекуваат отстапки од Израел по смртта на шестмина израелски заробеници минатиот викенд, Нетанјаху упати порака до американската администрација, без да именува никого, „во наше име притиснете го Хамас да направи отстапки“.

Нагласувајќи дека ќе го контролираат Филаделфискиот коридор, Нетанјаху рече дека тоа го прават со цел „да го спречат Хамас повторно да се вооружи во Газа“ и „да го спречат префрлувањето на заробениците во Египет“.

Израелскиот премиер рече дека разговарал со својот кабинет во Тел Авив за ова прашање и дека сите искажале мислење да не се напушти коридорот, тврдејќи дека израелската јавност стои зад него по ова прашање и повтори дека нема да го напуштат коридор.

Подвлекувајќи дека во моментов не се близу до договор за прекин на огнот, Нетанјаху рече дека Хамас е одговорен за целата оваа ситуација.

Запрашан за коментарот на американскиот претседател Бајден, „Нетанјаху треба да вложи повеќе напори за прекин на огнот“, Нетанјаху одговори: „Не знам што сакаше да каже претседателот.“

Висок функционер од американската администрација на телеконференцијата што ја одржа претходно, рече дека 90 % од договорот за прекин на огнот во Газа е суштински завршен и дека преговорите за „размена на затвореници и заробеници“ и за „Филаделфискиот коридор“ продолжуваат меѓу засегнатите страни.

ИЗВОР:AA
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us