СВЕТ
3 МИН ЧИТАЊЕ
ЕУ почнува хуманитарен воздушен мост за поддршка на сирискиот народ
Летовите за пренесување на хуманитарна помош финансирани од ЕУ ќе достават 50 тони здравствени материјали од залихите на ЕУ во Дубаи до Адана, Туркије, а оттаму,  залихите ќе бидат дистрибуирани преку границата во Сирија
ЕУ почнува хуманитарен воздушен мост за поддршка на сирискиот народ
Уште 46 тони здравствени материјали, материјали за едукација и предмети за засолништа, набавени од резервите на ЕУ во Данска, исто така ќе бидат доставени во Адана со камион / Photo: Reuters
13 декември 2024

Европската комисија денес најави започнување на нова хуманитарна операција за воздушен транспорт, за испорака на медицински материјали за здравствена нега и основни средства за оние на кои им се најпотребни во Сирија.

Оваа иницијатива се совпаѓа со зголеменото финансирање од ЕУ за хуманитарна помош, што ја нагласува нејзината посветеност за справување со нестабилната и предизвикувачка ситуација на теренот.

Претседателката на Европската комисија Урсула фон дер Лајен го истакна значењето на оваа поддршка во контекст на неодамнешните политички промени, изјавувајќи:

„Колапсот на режимот на Асад нуди нова надеж за сирискиот народ. Но, овој момент на промена носи и ризици и тешкотии. Со ситуацијата на теренот, која е толку нестабилна, нашата помош за народот во Сирија е уште поважна“.

За да го зајакне својот одговор, Европската комисија соопшти дека го зголемила своето хуманитарно финансирање за 2024 година на над 160 милиони евра.

Оваа дополнителна поддршка има за цел да обезбеди брза хуманитарна помош преку хуманитарните партнери на ЕУ кои веќе работат во Сирија, фокусирајќи се на здравствената заштита, засолништето и снабдувањето со храна.

Летовите за пренесување на хуманитарна помош финансирани од ЕУ ќе достават 50 тони здравствени материјали од залихите на ЕУ во Дубаи до Адана, Туркије. Оттаму, залихите ќе бидат дистрибуирани преку границата со Сирија.

„Ние, исто така, започнуваме нова хуманитарна операција за воздушен транспорт, која е со цел доставување на витални резерви, како што се храна, лекови и други предмети за засолништата. Дополнително ќе разговарам за испораката на хуманитарна помош на мојот состанок со претседателот Ердоган во вторник. Ние сме со народот на Сирија“, рече Фон дер Лајен.

Уште 46 тони здравствени материјали, материјали за едукација и предмети за засолништа, набавени од резервите на ЕУ во Данска, исто така ќе бидат доставени во Адана со камион.

Овие залихи ќе бидат дистрибуирани од УНИЦЕФ и Светската здравствена организација до заедниците во Сирија.

Башар ал Асад, кој беше лидер на Сирија речиси 25 години, побегна во Русија откако антирежимските групи ја презедоа контролата врз Дамаск рано во неделата, ставајќи крај на режимот на партијата Баас, кој беше на власт во Сирија од 1963 година.

ИЗВОР:TRT Balkan / агенции
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us