СВЕТ
3 МИН ЧИТАЊЕ
Азербејџан потврди за Анадолу: Авионот падна поради руски ракетен систем
Ова следеше откако азербејџанските медиуми, повикувајќи се на владини извори, објавија дека прелиминарните резултати од истрагата за инцидентот утврдиле дека авионот бил нападнат од ракетен систем „Панцир“ додека се приближувал до градот Грозни
Азербејџан потврди за Анадолу: Авионот падна поради руски ракетен систем
Казахстанските официјални лица објавија дека во падот на авионот „Ембраер 190“ животот го загубиле 38 лица / Фото: AA
26 декември 2024

Високо рангирани азербејџански официјални лица денес за Агенција Анадолу ја потврдија точноста на медиумите наводи кои сугерираат дека падот на авионот на Азербејџан ерлајнс во средата, во близина на казахстанскиот град Актау, бил предизвикан од руски ракетен систем, известува Анадолу.

Ова следеше откако азербејџанските медиуми, повикувајќи се на владини извори, објавија дека прелиминарните резултати од истрагата за инцидентот утврдиле дека авионот бил нападнат од ракетен систем „Панцир“ додека се приближувал до градот Грозни.

Во веста се наведува дека комуникацискиот систем на авионот бил целосно парализиран поради употребата на руски системи за електронско војување, што резултирало со исчезнување на авионот од радарите додека бил во рускиот воздушен простор.

Се додава дека авионот се појавил на радарот додека бил во областа околу Каспиското Море.

Авион на Азербејџан ерлајнс (АЗАЛ) со 67 патници, кој патувал од главниот град на Азербејџан Баку кон градот Грозни, во Руската Република Чеченија, се урнал во средата на околу три километри од казахстанскиот град Актау, на брегот на Каспиското Море.

Казахстанските официјални лица објавија дека во падот на авионот „Ембраер 190“ животот го загубиле 38 лица, додека 29 го преживеале падот на авионот. И Азербејџан и Казахстан започнаа истрага за инцидентот.

Од прелиминарните наоди и Азербејџан ерлајнс и Руската Федерална агенција за воздухопловство соопштија дека укажуваат на удар на птица како причина за несреќата.

Снимките од местото на несреќата покажуваат големи дупки во опашката на авионот, што поттикна шпекулации дека авионот можеби е соборен.

Во текот на денешниот ден, портпаролот на Кремљ, Дмитриј Песков, одби да ги коментира медиумските извештаи во кои се тврди дека авионската несреќа е резултат на напад и ги повика сите да почекаат додека не заврши истрагата.

ИЗВОР:AA
Повеќе
ЕУ: Подготвуваме противмерки за царините на Трамп, последиците ќе бидат страшни за милиони луѓе
Трамп прогласи економска независност и воведе реципрочни тарифи ширум светот
Трамп очекува наскоро Маск да се повлече од Белата куќа
Министерот Фидан ќе присуствува на состанокот на НАТО во Брисел
Бројот на загинати во земјотресите во Мјанмар надмина 3.000
Произраелските групи притискаат да се прекине мандатот на Франческа Албанезе во ОН
Протест во Сараево поради лошата економска ситуација и високите трошоци за живот
Сојузот на синдикати на С. Македонија на протест, бара зголемување на минималната плата на 500 евра
Кристин Лагард: Тарифите на Трамп ќе имаат негативни последици ширум светот
Сијарто најави дека Унгарија и Србија ќе градат нов нафтовод до 2028 година
Велика Британија воведе електронски дозволи за влез на европските државјани
Косово сака да потпише договор за стратегиска соработка со Велика Британија во областа на одбраната
Мицотакис: Грција има намера да потроши 25 милијарди евра за одбрана во наредните години
Вучевиќ: СНС утре ќе дојде на консултации кај Вучиќ со неколку имиња за мандатарот на новата влада
Кандидатот за врховен судија во кој Маск вложи милиони долари загуби на изборите во Висконсин
Погледнете во TRT Global. Споделете го своето мислење!
Contact us