გასული წლის ბოლოს კოალიციური მოლაპარაკებების შემდეგ თანამდებობაზე მოსული პალუცკასი, მის წინააღმდეგ კორუფციის ბრალდებით დაწყებული გამოძიების გამო ვილნიუსში გამართული პროტესტის შემდეგ გადადგა.
ლიეტუვის პრემიერ-მინისტრი გინტაუტას პალუცკასი, მისი ბიზნეს კავშირების შესახებ მიმდინარე გამოძიების ფონზე, ბალტიისპირეთის ქვეყნის დედაქალაქში მისი გადადგომის მოთხოვნით გამართული პროტესტის შემდეგ თანამდებობიდან გადადგა.
ლიეტუვის პრეზიდენტმა გიტანას ნაუსედამ პალუცკასის გადადგომის შესახებ მედიას ხუთშაბათს დილით აცნობა.
„პალუცკასმა დილით დამირეკა და გადადგომის შესახებ შემატყობინა“, - განუცხადა პრეზიდენტმა ნაუსედამ ჟურნალისტებს.
პალუცკასს საჯარო განცხადება ჯერ არ გაუკეთებია.
სოციალ-დემოკრატი პალუცკასი თანამდებობაზე გასული წლის ბოლოს, ოქტომბრის საპარლამენტო არჩევნების შემდეგ, სამპარტიული კოალიციის ფორმირების შედეგად დაინიშნა.