سیاست
2 منٹ پڑھنے
البانیہ کے لیے ٹک ٹاک: آپ کو بلاک کر دیا گیا ہے!
البانوی حکام نے نوجوانوں میں تشدد کے رجحان کو ہوا دینے کی وجہ سے ٹک ٹاک ایپ کو بلاک کرنے کا حکم دیا ہے، اپوزیشن اس فیصلے کو ایک سیاسی قدم قرار دے رہی ہے۔
البانیہ کے لیے ٹک ٹاک: آپ کو بلاک کر دیا گیا ہے!
#MVZ92 : TikTok کی طرف سے غیر چینی خریدار کو ایپ بیچنے یا امریکا میں پابندی کی قانونی کاروائی کو برخاست کرنے کی اپیل کی سماعت / AFP
13 مارچ 2025

البانیہ کے حکام نے  انٹرنیٹ سروس کے تمام فراہم کنندگان کو حکم دیا ہے کہ جمعرات تک ٹک ٹاک تک رسائی  بلاک کر دی جائے۔

الیکٹرانک اور پوسٹل کمیونیکیشن  اتھارٹی کے بیان کے مطابق، فراہم کنندگان کو ایپ سے منسلک تمام متعلقہ آئی پی ایڈریسوں اور ڈی این ایس سرورز کو بلاک کرنا ہوگا۔

وزیر اعظم ایڈی راما نے سب سے پہلے دسمبر میں اس پابندی کا اعلان کیا تھا، جب سوشل میڈیا پر شروع ہونے والے ایک تنازعے کے نتیجے میں دارالحکومت تیرانا کے قریب ایک اسکول میں جھگڑے کے دوران ایک 14 سالہ طالب علم ہلاک اور دوسرا زخمی ہو گیا تھا۔

مختصر ویڈیو مناظر کے غیر محدود سلسلے کی وجہ سے ٹک ٹاک نوجوانوں میں بے حد مقبول ہےاور دنیا بھر میں اس کے فعال صارفین کی تعداد ایک ارب سے زائد ہے۔

تاہم، چینی ملکیت والے اس پلیٹ فارم کو اکثر تنازعات کا سامنا رہا ہے۔

امریکہ میں اس ایپ پر جاسوسی کے الزامات لگائے گئے ہیں اور یورپی یونین اس بات کی تحقیقات کر رہی ہے کہ آیا اسے رومانیہ کے صدارتی انتخابات میں ایک دائیں بازو کے امیدوار کے حق میں اثر انداز ہونے کے لیے استعمال کیا گیا تھا یا نہیں۔

البانیہ حکومت نے اسکولوں میں لڑائی سمیت تشدد کو فروغ دینے میں مبینہ کردار پر ٹک ٹاک کو تنقید کا نشانہ بنایا ہے۔

تاہم، حزب اختلاف نے حکومتی فیصلے کے خلاف مظاہروں کا مطالبہ کیا ہے، ان کا کہنا ہے کہ مئی میں متوقع پارلیمانی انتخابات سے قبل یہ پابندی ان کی انتخابی مہم کو متاثر کرے گی۔

دنیا کے دیگر حصوں میں، ٹک ٹاک پر اکثر الزام لگایا جاتا ہے کہ وہ صارفین کو ایک مبہم الگورتھم کے ذریعے مواد کے محدود دائرے میں رکھتا ہے اور خاص طور پر نوجوانوں میں غلط معلومات، غیر قانونی، پرتشدد یا فحش مواد کے پھیلاؤ کو فروغ دیتا ہے ۔

متعدد ممالک  مختلف اوقات میں اس ایپ پر پابندی لگا چُکے ہیں۔ان ممالک  میں پاکستان، نیپال اور فرانس کے علاقے نیو کیلیڈونیا شامل ہیں۔

کئی ممالک میں درجنوں حقائق کی جانچ کرنے والی تنظیموں کو ٹک ٹاک کی جانب سے ان ویڈیوز کی تصدیق کے لیے ادائیگی کی جاتی ہے جو ممکنہ طور پر غلط معلومات پر مبنی ہو سکتی ہیں۔

دریافت کیجیے
لوور میوزیم میں تاریخی تزئین و آرائش: "مونا لیزا" کے لئے خصوصی کمرہ
قیدیوں کی زبانی،الاباما جیل کہانی
ہاتشیپسوت کے تاریخی نوادرات
چار سو سال پرانا آشوری بازار
محبت کیا ہے؟
ترک فنکار، زنزیبار کی سمندری معیشت کو فنون کے ذریعے جانبرکر رہے ہیں
داتچہ میں عہدِ عثمانیہ کا غرق شدہ  بحری جہاز  17ویں صدی کی بحری تاریخ پر روشنی ڈال رہاہے
عہدِ عثمانیہ میں رمضان اور حضوری   دروس
ترک ڈرامے دنیا میں ترکیہ کے چہرے کو بدل رہے ہیں
آزادی فلسطین کی حامی وکیل عائشہ نور
ڈنمارک  کا آرکٹک سمندر  میں اپنے وجود  کو مضبوطی دلانے کے لیے 2 بلین ڈالر کی فوجی امداد کا اعلان
بنگلہ دیش کی طرف سے  ہندوستانی سیاست دان کی طرف سے اقوام متحدہ کے امن مشن کے مطالبے کی مذمت
ہیضے نے سوڈان کو اپنی لپیٹ میں لے رکھا ہے تو جاری جھڑپوں کے دوران 1200 سے زیادہ افراد ہلاک ہو گئے
یوکرین نے مغرب سے جوہری ہتھیار حاصل کیے تو روس 'تمام ہتھیار' استعمال کرے گا: پوتن
آئی سی سی چیف:جنگی جرائم کی عدالت خطرے میں ہے
TRT گلوبل چیک کریں۔ اپنی رائے کا اشتراک کریں!
Contact us