مقامی حکام نے اطلاع دی  ہے کہ اوڈیسا کے جنوبی علاقے میں روسی ڈرون حملے کے نتیجے میں دو افراد ہلاک اور 14 زخمی ہو گئے، جن میں بچے بھی شامل ہیں۔

ماسکو نے یوکرین پر ڈرون اور میزائل حملے تیز کر دیے ہیں۔

اوڈیسا کے گورنر اولیگ کیپر نے ٹیلیگرام پر بتایا، "ریسکیو اہلکاروں نے رہائشی عمارت پر دشمن کے ڈراون حملے کے نتیجے میں دو افراد کی لاشیں ملبے  تلے سے نکالیں۔"

انہوں نے مزید کہا کہ رات کے وقت ہونے والے اس حملے میں 14 افراد زخمی ہوئے، جن میں "تین بچے" شامل ہیں۔

چیرونا زرکا کا کنٹرول

علاوہ ازیں  یوکرین کے جنوبی خیرسون علاقے کے حکام نے بتایا  ہے کہ روسی حملوں کے دوران گزشتہ روز ایک شخص ہلاک اور تین دیگر زخمی ہو گئے۔

خیرسون کے گورنر اولیکساندر پروکودین نے ٹیلیگرام پر کہا، "روسی افواج نے علاقے میں اہم اور سماجی ڈھانچے اور رہائشی علاقوں کو نشانہ بنایا۔"

روس کا کہنا ہے کہ اس نے مشرقی یوکرین میں چیرونا زرکا کے علاقے کا کنٹرول حاصل کر لیا ہے۔

روسی وزارت دفاع کے مطابق، روسی افواج نے مشرقی ڈونیٹسک علاقے میں چیرونا زرکا کے علاقے پر قبضہ کر لیا ہے۔

امن مذاکرات کے دوران، روس نے مطالبہ کیا ہے کہ یوکرین مزید زمین چھوڑ دے اور مغربی فوجی امداد سے دستبردار ہو جائے، جو کہ کیف کے مطابق ناقابل قبول شرائط ہیں۔