امریکی صدر ڈونلڈ ٹرمپ نے ہفتے کے روز لاس اینجلس کے علاقے میں امیگریشن چھاپوں کے خلاف بڑھتے ہوئے مظاہروں سے نمٹنے کے لیے 2,000 فوجی تعینات کیے، جسے ریاست کے گورنر نے " اشتعال انگیز" اقدام قرار دیا۔
رپورٹس کے مطابق، فیڈرل ایجنٹس نے لاس اینجلس کے ایک مضافاتی علاقے میں مشتعل ہجوم کے ساتھ جھڑپ کی، جہاں مظاہرے ہفتے کی رات دوسرے دن تک جاری رہے۔ اس دوران فلیش بینگ گرینیڈز چلائے گئے اور غیر دستاویزی تارکین وطن پر چھاپوں کے دوران ایک شاہراہ کی ناکہ بندی کی۔
فاکس 11 نیوز آؤٹ لیٹ نے رپورٹ کیا ہے کہ یہ جھڑپ پیراماؤنٹ میں ہوئی، جہاں مظاہرین ایک ہوم ڈیپوٹ کے قریب جمع ہوئے تھے، جسے وفاقی امیگریشن حکام ان آپریشن کے لیے ایک تیاری مرکز کے طور پر استعمال کر رہے تھے۔
رپورٹس اور سوشل میڈیا پوسٹس کے مطابق، مظاہرین کا ٹاکرا ماسک پہنے فیڈرل ایجنٹس سے ہوا، جنہوں نے ہجوم پر فلیش بینگ گرینیڈز اور آنسو گیس پھینکی۔
جنوری میں عہدہ سنبھالنے کے بعد سے، ریپبلکن صدر ٹرمپ نے غیر دستاویزی تارکین وطن کے داخلے اور موجودگی کے خلاف سخت کارروائی کرنے کے وعدے کو پورا کیا ہے، جنہیں وہ "عفریت" اور "جانور" قرار دے چکے ہیں۔
وائٹ ہاؤس کی پریس سیکریٹری کیرولین لیوٹ نے ایک بیان میں کہا کہ ہفتے کی شب ٹرمپ نے 2,000 نیشنل گارڈز کو تعینات کرنے کے لیے ایک میمو پر دستخط کیے تاکہ "اس بدامنی کو ختم کیا جا سکے ۔
"ٹرمپ انتظامیہ مجرمانہ رویے اور تشدد کے لیے صفر برداشت کی پالیسی رکھتی ہے، خاص طور پر جب یہ تشدد ان قانون نافذ کرنے والے افسران کے خلاف ہو جو اپنا کام کر رہے ہیں۔"
تقریباً ایک گھنٹہ قبل جب وائٹ ہاؤس نے تعیناتی کی تصدیق کی، کیلیفورنیا کے گورنر گیون نیوسم، جو ایک ڈیموکریٹ ہیں، نے اس اقدام کی مخالفت کی۔
" انہوں نے سوشل میڈیا پلیٹ فارم ایکس پر کہا یہ اقدام دانستہ اشتعال انگیزی ہے اور صرف کشیدگی کو بڑھائے گا،" "ہم شہر اور کاؤنٹی کے ساتھ قریبی رابطے میں ہیں، اور فی الحال کوئی غیر پوری ضرورت نہیں ہے۔"
یہ مظاہرے اس وقت شروع ہوئے جب نقاب پوش اور مسلح امیگریشن ایجنٹس نے لاس اینجلس کے مختلف حصوں میں نمایاں ورک پلیس چھاپے مارے، جس سے مشتعل ہجوم جمع ہو گئے اور گھنٹوں طویل جھڑپیں ہوئیں۔
قانون اور نظم و ضبط غالب آئے گا
ایل اے کی میئر کیرن باس نے تسلیم کیا کہ وفاقی امیگریشن کارروائیوں کے بعد کچھ شہر کے رہائشی "خوف محسوس کر رہے ہیں۔"
انہوں نے ایکس پر کہا"ہر کسی کو پرامن احتجاج کا حق حاصل ہے، لیکن میں واضح کر دوں: تشدد اور تباہی ناقابل قبول ہیں، اور ذمہ داروں کو جوابدہ ٹھہرایا جائے گا۔"
ایف بی آئی کے ڈپٹی ڈائریکٹر ڈین بونجینو نے کہا کہ جمعہ کی جھڑپوں کے بعد متعدد گرفتاریاں کی گئی ہیں۔
"آپ افراتفری لائیں گے، اور ہم ہتھکڑیاں لائیں گے۔ قانون اور نظم و ضبط غالب آئے گا،"
ہفتے کے روز، جب مظاہرین امیگریشن اور کسٹمز انفورسمنٹ (ICE) ایجنٹس کے خلاف نعرے لگا رہے تھے، کچھ مظاہرین نے میکسیکن جھنڈے لہرائے جبکہ دوسروں نے امریکی جھنڈے کو آگ لگا دی، لاس اینجلس ٹائمز نے رپورٹ کیا۔
سیمنٹ کے بلاکس اور الٹے شاپنگ کارٹس کو سڑکوں پر رکاوٹ کے طور پر استعمال کیا گیا۔
ایک ہجوم نے قریبی فری وے سے نکلنے والی یو ایس مارشلز سروس کی بس کو گھیر لیا، جس کے بعد حکام نے مظاہرین کو ہائی وے پر قبضہ کرنے سے روکنے اور نئے لوگوں کو اندر آنے سے روکنے کے لیے راستے بند کر دیے۔
وائٹ ہاؤس نے مظاہروں کے خلاف سخت موقف اختیار کیا ہے، وائٹ ہاؤس کے ڈپٹی چیف آف اسٹاف اسٹیفن ملر نے انہیں "امریکی قوانین اور خودمختاری کے خلاف بغاوت" قرار دیا۔
لاس اینجلس، جو امریکہ کا دوسرا سب سے زیادہ آبادی والا شہر ہے، ملک کے سب سے متنوع شہروں میں سے ایک ہے۔
پیراماؤنٹ، جو تقریباً 50,000 افراد کا گھر ہے، امریکی مردم شماری کے اعداد و شمار کے مطابق 82 فیصد ہسپانوی یا لاطینی آبادی پر مشتمل ہے۔
