امریکی حکام کی طرف سے  دی نیو یارک ٹائمز اور رائٹرز  کو اطلاع کے مطابق ٹرمپ انتظامیہ سفری پابندیوں سے متعلق ایک بل  کو حتمی شکل دے رہی ہے جو کچھ مخصوص ممالک کے شہریوں کو امریکہ میں داخل ہونے سے روک دے گی۔

ٹرمپ نے اپنی انتظامیہ کو حکم دیا کہ وہ امریکہ میں داخلے کے لیے جانچ اور اسکریننگ کے معیارات اور طریقہ کار قائم کریں اور ان ممالک کی فہرست پیش کریں جو ان معیارات پر پورا نہیں اترتے، یہ کام 21 مارچ تک مکمل ہونا چاہیے۔ انہوں نے حکام کو یہ بھی ہدایت دی کہ وہ ان ممالک کے شہریوں کی نشاندہی کریں اور ممکنہ طور پر انہیں ملک بدر کریں جو بائیڈن انتظامیہ کے دوران امریکہ میں داخل ہوئے۔

یہ حکم ایک انتخابی وعدے اور ٹرمپ کے عہدہ سنبھالنے کے پہلے دن کی ایک مہم کا حصہ ہے۔جس  کا عنوان "امریکہ کو غیر ملکی دہشت گردوں اور دیگر خطرات سے بچانا" ہے اور اس کا مقصد "قومی سلامتی اور عوامی تحفظ کے خطرات" سے نمٹنا ہے۔

اس حکم نامے  میں دعویٰ کیا گیا ہے کہ یہ عمل امریکی شہریوں کو ان "غیر ملکیوں سے بچائے گا جو دہشت گرد حملے کرنے کا ارادہ رکھتے ہیں، ہماری قومی سلامتی کو خطرہ پہنچاتے ہیں، نفرت انگیز نظریات کی حمایت کرتے ہیں، یا امیگریشن قوانین کا غلط استعمال کرتے ہیں۔"

آیا کہ کون سے ممالک اس پابندی سے متاثر ہوں گے، اور ٹیکساس میں بین الاقوامی طلباء کو کیا اثرات کا سامنا ہو سکتا ہے؟

موسم بہار کی چھٹیوں کے لیے انتباہ: طلباء اور فیکلٹی کو بین الاقوامی سفر کے منصوبے ملتوی کرنے کا مشورہ دیا گیا۔

ٹرمپ کی سفری پابندی سے کون سے ممالک متاثر ہوں گے؟ 'ریڈ لسٹ' دیکھیں۔

ایک رپورٹ کے مطابق، 40 سے زائد ممالک کی فہرست زیر غور ہے جن کے شہریوں کو امریکہ میں داخلے سے روکا یا محدود کیا جا سکتا ہے۔

رائٹرز کے مطابق، درج ذیل "ریڈ لسٹ" ممالک سفری پابندی کی فہرست میں شامل ہو سکتے ہیں: سوڈان، وینزویلا، صومالیہ، شام، یمن، ایران، لیبیا، کیوبا، شمالی کوریا، پاکستان اور افغانستان۔

کالجز نے بین الاقوامی طلباء کو ٹرمپ انتظامیہ کے امیگریشن احکامات کے جواب میں بیرون ملک سفر کرنے سے منع کیا ہے۔ ماہرین ان احکامات کو "غیر معمولی" قرار دے رہے ہیں، اور کئی اعلیٰ تعلیمی اداروں نے بین الاقوامی طلباء کو امریکی سرحدیں نہ چھوڑنے کی تاکید کی ہے۔ ملک چھوڑنے کی صورت میں انہیں ملک بدری کا سامنا کرنا پڑ سکتا ہے، جیسا کہ کچھ طلباء اور عملے کے ساتھ پہلے ہی ہو چکا ہے۔

اس ماہ، براؤن یونیورسٹی کی ایک ڈاکٹر جو لبنان سے امریکہ واپس آ رہی تھیں، ان کا ویزا منسوخ کر دیا گیا، اور کولمبیا یونیورسٹی کی ایک بھارتی پی ایچ ڈی طالبہ نے اپنے اپارٹمنٹ پر امریکی امیگریشن اور کسٹمز انفورسمنٹ کے چھاپے کے بعد خود کو کینیڈا میں ملک بدر کر لیا۔

16 مارچ کو، براؤن یونیورسٹی نے ایک ای میل کے ذریعے فیکلٹی، طلباء اور دیگر کمیونٹی ممبران کو مشورہ دیا کہ وہ 22 سے 30 مارچ تک ہونےو الی موسمِ بہار کی چھٹیوں کے دوران ذاتی بین الاقوامی سفر ملتوی کریں۔ کولمبیا یونیورسٹی اور کارنیل یونیورسٹی نے بھی اپنی ویب سائٹ پر اسی طرح کی ہدایات جاری کیں۔ گزشتہ سال کے آخر میں، کئی اداروں نے بین الاقوامی طلباء کو مشورہ دیا کہ وہ صدر ڈونلڈ ٹرمپ کے عہدہ سنبھالنے سے پہلے امریکہ واپس آ جائیں۔

براؤن یونیورسٹی کے ایگزیکٹو نائب صدر برائے منصوبہ بندی اور پالیسی رسل سی کیری نے ای میل میں کہا، "ہم سمجھتے ہیں کہ ہماری کمیونٹی کے بہت سے افراد غیر یقینی اور پریشانی کا سامنا کر رہے ہیں کیونکہ میڈیا غیر امریکی شہریوں کے خلاف وفاقی ملک بدری کی کارروائیوں کی خبریں شیئر کر رہا ہے۔"

براؤن کا کہنا ہے کہ "سفری پابندیوں اور ویزا طریقہ کار میں ممکنہ تبدیلیاں، دوبارہ داخلے کے تقاضے، اور دیگر سفر سے متعلق تاخیر مسافروں کی منصوبہ بندی کے مطابق امریکہ واپس آنے کی صلاحیت کو متاثر کر سکتی ہیں۔" یہاں تک کہ ملکی سفر بھی فی الحال غیر یقینی ہے۔

یہ خبریں ایک کروڑ 12 لاکھ سے زائد بین الاقوامی طلباء میں تشویش پیدا کر رہی ہیں جو اس بات سے خوفزدہ ہیں کہ انہیں ان کی قومیت کی بنیاد پر نشانہ بنایا جائے گا۔ ویزا کھونے کی صورت میں، وہ اپنی محنت سے حاصل کی گئی ڈگریوں سے بھی محروم ہو سکتے ہیں۔ متبادل طور پر، انہیں اپنے سفر کے حق سے دستبردار ہونا پڑ سکتا ہے، جس کا مطلب یہ ہے کہ وہ اپنے خاندان سے ملنے یا ذاتی یا اسکول سے متعلق سفر پر نہیں جا سکیں گے۔

کولمبیا یونیورسٹی کے 21 سالہ صحافت کے  ایم اے کے طالب علم نے یو ایس اے ٹوڈے کو بتایا، "یہ اس وقت میری زندگی کے تقریباً ہر پہلو کو 100 فیصد متاثر کر رہا ہے، اور یہ کوئی مبالغہ نہیں ہے – اس کے حقیقی نتائج ہیں۔"

مئی میں گریجویشن کے بعد، وہ اپنے خاندان سے ملنے کے لیے بھارت جانے کا منصوبہ بنا رہے تھے – اسکول شروع ہونے کے بعد پہلی بار – لیکن انہوں نے اپنے والدین سے کہا کہ وہ ان کا ٹکٹ نہ بک کریں۔ اب وہ جلد از جلد رہائش اور نوکری حاصل کرنے کی کوشش کر رہے ہیں کیونکہ انہیں امریکہ میں رہنے پر مجبور کیا گیا ہے اور انہیں  طالب علمی کے قیام کے پرمٹ سے خارج کر دیا جائیگا۔

2022-23 کے تعلیمی سال میں، ٹیکساس میں 80,757 بین الاقوامی طلباء تھے۔ ٹیکساس نے ریاستوں میں کیلیفورنیا (138,393) اور نیویارک (126,782) کے بعد تیسری سب سے زیادہ تعداد کا دعویٰ کیا۔

ٹیکساس کی دس سب سے بڑی یونیورسٹیوں میں بین الاقوامی طلباء  کے اعداد و شمار کچھ یوں ہیں

·         ٹیکساس اے اینڈ ایم یونیورسٹی-کالج اسٹیشن: +  6,000 (2024)

·         یونیورسٹی آف ٹیکساس ایٹ آسٹن: 4,173 (2020)

·         یونیورسٹی آف ہیوسٹن:+ 4,500 (2023)

·         یونیورسٹی آف نارتھ ٹیکساس: 11,917 (2023)

·         یونیورسٹی آف ٹیکساس ایٹ آرلنگٹن: 6,325 (2022)

·         ٹیکساس ٹیک یونیورسٹی: 2,096 (2020)

·         ٹیکساس اسٹیٹ یونیورسٹی : 1,500+  (2024)

·         یونیورسٹی آف ٹیکساس ایٹ سان انتونیو: 21,109 (2022)

·         یونیورسٹی آف ٹیکساس ایٹ ڈلاس: 10,491 (2023)

·         یونیورسٹی آف ٹیکساس ریو گرانڈے ویلی:+ 700 (2018)