جنوبی یورپ رواں موسم گرما کی پہلی شدید لہر کا سامنا کر رہا ہے۔ اٹلی، اسپین، یونان، پرتگال اور فرانس میں درجہ حرارت 40 ڈگری سیلسیس (104 ڈگری فارن ہائیٹ) سے تجاوز کر گیا ہے۔ اس صورتحال کے باعث  صحت کے حوالے سے تنبیہات میں اور جنگلاتی آگ کے خطرے میں اضافہ ہو گیا  ہے۔

پرتگال کے دارالحکومت لزبن میں درجہ حرارت 42 ڈگری سیلسیس تک پہنچنے کی پیش گوئی کے بعد اتوار کے روز ملک کے دو تہائی حصے کو ہائی الرٹ کر دیا  گیا ۔ قومی موسمیاتی سروس نے ملک کے بیشتر حصے میں شدید  جنگلاتی آگ کے خطرے کے بھی وارننگ دی ہے۔

اسپین موسمیاتی ایجنسی Aemet نے جاری کردہ خصوصی الرٹ میں خبردار کیا ہے  کہ خاص طور پر جنوبی شہر سیویلا میں کہ جہاں درجہ حرارت بھی 42 ڈگری سیلسیس تک پہنچ گیا "شدید اور بدستور گرم درجہ حرارت" کمزور افراد  کے لیے سنگین خطرہ بن سکتا ہے ۔

صحت کے حکام نے عوام کو دھوپ سے بچنے، وافر پانی پینے اور ضعیفوں اور دائمی بیماریوں میں مبتلا افراد کی دیکھ بھال کرنے کی تاکید کی ہے۔

اٹلی وزارت صحت نے ملک کے 27 بڑے شہروں میں سے روم میلان اور نیپلز  سمیت 21 کو چوکس رکھا ہوا ہے۔

کئی علاقوں، بشمول لازیو، توسکانی اور امبریا، نے شدید گرمی کے اوقات میں بیرونی کام معطل کرنے کے منصوبے کا اعلان کیا۔ سسلی اور لیگوریا میں، کھُلے ماحول میں  مزدوری پر پہلے ہی پابندی عائد کی جا چکی ہے۔ تجارتی یونینیں حکومت سے مطالبہ کر رہی ہیں کہ ان اقدامات کو پورے ملک میں نافذ کیا جائے۔

فرانس نے بھی شدید گرمی کے مقابلے کے لیے تیاری  ہے۔ موسمیاتی پیشین گوئی کے مطابق درجہ حرارت کے 40 ڈگری تک چڑحنے کی توقع ہے  لہٰذا ملک کے  101 محکموں میں سے 84 کو گرمی کے لہر کی طرف سے چوکس کر دیا گیا ہے ۔

آڈ کے علاقے میں، جنگلاتی آگ نے ایک کیمپ سائٹ اور ایک عبادتگاہ کو خالی کر دیا گیا ہے۔ مارسیلیا میں شہری تیراکی تالابوں  کو عوام کے لئے مفت کھول دیا گیا تاکہ عوام گرمی سے نمٹ سکیں۔

یونان میں، حکام نے گزشتہ جمعرات کو ایتھنز کے جنوب میں بھڑکتی وسیع پیمانے کی جنگلاتی آگ پر قابو پایا ہے۔ پانچ علاقوں کو خالی کر دیا گیا اور قدیم ٹیمپل آف پوسائیڈن کے قریب ساحلی شاہراہ کا ایک حصہ آگ کی وجہ سے بند کر دیا گیا ہے۔

دریں اثنا، برطانیہ میں، پانچ علاقوں، ایسٹ مڈلینڈز، ساؤتھ ایسٹ، ساؤتھ ویسٹ، لندن، اور ایسٹ آف انگلینڈ کے لیے گرمی کی شدید لہر کی وجہ سے  نارنجی ہیلتھ الرٹ جاری کیے گئے ہیں، جو منگل تک نافذ رہیں گے، جبکہ پیر کو درجہ حرارت 36 ڈگری سیلسیس تک پہنچنے کی توقع ہے۔

پیلے الرٹ یارکشائر اینڈ دی ہمبر اور ویسٹ مڈلینڈز کے لیے نافذ کیا گیا  ہے۔ لندن فائر بریگیڈ نے مسلسل خشک حالات کے پیش نظر "شدید" جنگلاتی آگ کے خطرے سے خبردار کیا ہے۔

واضح رہے کہ  یورپی یونین کی موسمیاتی مانیٹرنگ ایجنسی کوپرنیکس نے تصدیق کی تھی کہ مارچ 2025 یورپ میں ریکارڈ کیا گیا  گرم ترین مارچ تھا، جس میں اوسط درجہ حرارت 1991۔2020 کے معمول سے 2.41 ڈگری سیلسیس زیادہ تھا۔