دنیا بھر کی افواج ،چین میں تیار کردہ پاکستانی طیاروں اور فرانس ساختہ  بھارتی رافیل جنگی طیاروں کے درمیان فضائی جھڑپوں کا مستقبل  کی جھڑپوں میں ممکنہ  برتری حاصل کرنے کے لیے اہم معلومات حاصل کرنے کے لیے  قریب سے مشاہدہ کر رہی ہیں۔

دو امریکی حکام  کے رائٹرز نیوز ایجنسی کو دیے گئے بیان کے مطابق  بدھ کے روز ایک چینی ساختہ پاکستانی جنگی طیارے نے کم از کم دو بھارتی فوجی طیارے مار گرائے، یہ  پیش رفت چین  کے جدید طیاروں کے لیے ایک اہم سنگ میل ثابت ہو سکتی ہے۔

پاکستان نے دعویٰ کیا ہے کہ اس نے کم از کم پانچ بھارتی طیارے، جن میں تین رافیل بھی شامل ہیں، مار گرائے ہیں۔ یہ جھڑپ تقریباً 30 پاکستانی اور 70 بھارتی جنگی طیاروں کے درمیان ہوئی۔

بی بی سی ویری فائی نے متعدد ویڈیوز کی تصدیق کی ہے جو پاکستان کے دعوے کے کچھ پہلوؤں کی حمایت کرتی ہیں۔

یہ فضائی جھڑپ افواج کے لیے ایک نادر موقع ہے کہ وہ پائلٹس، جنگی طیاروں اور فضائی میزائلوں کی حقیقی کارکردگی  کا   مشاہدہ کریں اور اس علم کو اپنی فضائی افواج کو جنگ کے لیے تیار کرنے میں استعمال کریں۔

ماہرین کا کہنا ہے کہ جدید ہتھیاروں کے عملی استعمال کا تجزیہ دنیا بھر میں کیا جائے گا، بشمول چین اور امریکہ، جو تائیوان یا وسیع تر ایشیا پیسفک خطے میں ممکنہ تنازع کے لیے تیاری کر رہے ہیں۔

ایک امریکی اہلکارنے اپنا  نام  خفیہ رکھنے  کی شرط پر رائٹرز کو بتایا کہ اس بات کا قوی امکان ہے کہ پاکستان نے بھارتی جنگی طیاروں کے خلاف فضائی میزائل داغنے کے لیے چینی ساختہ J-10 طیارے استعمال کیے۔

سوشل میڈیا پر چین کے PL-15 فضائی میزائل کی کارکردگی اور یورپی گروپ MBDA کے تیار کردہ ریڈار گائیڈڈ میٹیور میزائل کے موازنے پر توجہ دی جا رہی ہے۔ تاہم، ان ہتھیاروں کے استعمال کی کوئی سرکاری تصدیق نہیں ہوئی۔

بین الاقوامی انسٹی ٹیوٹ فار اسٹریٹجک اسٹڈیز کے سینئر رکن ڈگلس بیری نے کہا ہے کہ "چین، امریکہ اور یورپ کے کئی ممالک کی فضائی جنگی کمیونٹیز اس بات میں گہری دلچسپی رکھتی ہیں کہ وہ حکمت عملی، تکنیک، اور استعمال شدہ آلات کے بارے میں زیادہ سے زیادہ حقائق سے آگاہی حاصل کریں۔"

بیری نے مزید کہا، "یہ ممکن ہے کہ چین کا سب سے قابل ہتھیار مغرب کے سب سے قابل ہتھیار کے بر خلاف ہو، لیکن ہمیں اس بارے میں قطعی علم  نہیں۔"

بیری نے کہا  کہ فرانسیسی اور امریکی بھی بھارت سے اسی قسم کی معلومات حاصل کرنے کی امید کر رہے ہوں گے۔

ایک دفاعی صنعت کے ایگزیکٹو نے کہا، "PL-15 ایک بڑا مسئلہ ہے۔ یہ وہ چیز ہے جس پر امریکی فوج بہت زیادہ توجہ دیتی ہے۔"

رافیل کے تیار کنندہ ڈاسو ایوی ایشن نے تبصرہ کرنے سے انکار کر دیا، اور MBDA کنسورشیم سے فوری طور پر رابطہ نہیں ہو سکا کیونکہ فرانس میں عام تعطیل تھی۔

مغربی تجزیہ کاروں اور صنعت کے ذرائع نے کہا کہ کئی اہم تفصیلات ابھی تک واضح نہیں ہیں، جن میں یہ شامل ہے کہ آیا  کہ میٹیور میزائل استعمال کیا گیا تھا اور پائلٹس کو کس قسم کی تربیت دی گئی تھی۔

تجزیہ کاروں نے کہا کہ ہتھیاروں کی تکنیکی کارکردگی کو آپریشنل عوامل سے جدا کرنے کے لیے اسلحہ ساز کمپنیاں بھی بے چین ہوں گی۔

واشنگٹن میں مقیم دفاعی ماہر اور کیپیٹل الفا پارٹنرز کے مینیجنگ پارٹنر بائرن کالن نے کہا، "یہ جائزہ لیا جائے گا کہ کیا کام کرتا ہے اور کیا نہیں، لیکن جنگی علاقہ بھی ایک اہم عنصر ہے۔"

انہوں نے مزید کہا کہ امریکی اسلحہ ساز کمپنیاں یوکرین کی جنگ میں اپنے ہتھیاروں کی کارکردگی کے بارے میں مسلسل فیڈبیک حاصل کر رہی ہیں۔

انہوں نے کہا، "لہٰذا، میں بالکل توقع کرتا ہوں کہ بھارت کے یورپی سپلائرز کے ساتھ بھی یہی معاملہ ہوگا، اور پاکستان اور چین شاید اسی قسم کی معلومات کا تبادلہ کر رہے ہوں گے۔ اگر PL-15 اپنی توقعات سے بہتر کام کر رہا ہے، تو چینی اس کے بارے میں سننا چاہیں گے۔"

ایک مغربی ملک کے دفاعی صنعت کے ذرائع نے کہا کہ ایک آن لائن تصویر میں ایک میزائل کی جھلک دکھائی دے رہی ہے  جو ممکنہ طور پر اپنے ہدف کو نشانہ بنانے میں ناکام رہا۔

پاکستان کے پاس PL-15 کا مقامی ورژن ہے یا 2021 میں عوامی طور پر پیش کیا گیا کم رینج والا ایکسپورٹ ورژن، اس بارے میں متضاد رپورٹس موجود ہیں۔

بیری  نے کہا کہ ان کا ماننا ہے کہ پاکستان کے پاس ایکسپورٹ ورژن موجود ہونے کا امکان قوی ہے۔

ایک مغربی صنعت کے ذرائع نے PL-15 کے راکٹ پاورڈ ہونے کے دعوے کو مسترد کیا کہ اس کی رینج میٹیور سے زیادہ ہے، لیکن یہ تسلیم کیا کہ اس کی صلاحیت "شاید توقع سے زیادہ ہو سکتی ہے۔"

میٹیور کی رینج کو سرکاری طور پر شائع نہیں کیا گیا۔ "فی الحال کچھ بھی فیصلہ کرنا ممکن نہیں۔ ہم بہت کم جانتے ہیں،" ۔

PL-15 کی رینج اور کارکردگی کئی سالوں سے مغربی دلچسپی کا مرکز رہی ہے۔ اس کی آمد کو ان کئی اشاروں میں سے ایک سمجھا گیا کہ چین سوویت دور کی ٹیکنالوجی پر انحصار سے کہیں آگے بڑھ چکا ہے۔

امریکہ ، جزوی طور پر PL-15 اور اس کی بصری حد سے باہر کی کارکردگی کے جواب میں لاک ہیڈ مارٹن کے ذریعے AIM-260 جوائنٹ ایڈوانسڈ ٹیکٹیکل میزائل تیار کر رہا ہے، ۔ یہ مغربی ترجیحات کو چین کی طرف موڑنے کا ایک وسیع تر حصہ ہے۔

یورپی ممالک میٹیور کے لیے ایک درمیانی  عمر کی اپ گریڈ کی تلاش کر رہے ہیں، جس میں خصوصی اشاعت جینز کے مطابق پروپلشن اور گائیڈنس شامل ہو سکتے ہیں، لیکن تجزیہ کاروں کا کہنا ہے کہ پیش رفت سست رہی ہے۔

مارچ میں امریکی صدر ڈونلڈ ٹرمپ نے بوئنگ سے امریکی فضائیہ کے لیے اب تک کے سب سے جدید جنگی طیارے بنانے کا معاہدہ  کیا تھا، جس میں ممکنہ طور پر اسٹیلتھ، جدید سینسرز اور جدید ترین انجن شامل ہوں گے۔