A ranar Juma'a ne aka fara taron kafafen watsa labarai na Turkiyya-Africa wanda cibiyar sadarwa ta Turkiyya ta shirya a Istanbul.

Shugaban Ƙungiyar Kafafen Watsa Labarai ta Tarayyar Afirka Gregoire Ndjaka, da Ministan Sadarwa da Harkokin Siyasa na Hadin kan kasar Libya Walid Ammar Ellafi, da Daraktan Sadarwa na Turkiyya Fahrettin Altun ne suka gabatar da jawabai na bude taron.

"Mun yi imanin cewa, wannan taron zai ƙarfafa hadin gwiwarmu tare da kai ta mataki na gaba," in ji Altun, inda ya kara da cewa dandalin zai inganta dangantaka tsakanin Turkiyya da Afirka da kuma karfafa alakar da ke tsakanin juna.

Karfafa dangantaka

Altun ya jaddada sha'awar Turkiyya na kallon Afirka ba "ta hanyar da ba ta dace ba, amma ta hanyarbunƙasarat da kyawawan abubunta."

Taron zai mayar da hankali kan tattaunawa da suka shafi “Karfafa Tsarin Watsa Labarai a dangantakar Turkiyya da Afirka,” da “Hulda da Jama’ a a matakin diflomaisyya da dabarun sadarwa”. da sauran su.

Ana sa ran gomman mutane za su gabatar da jawabai a wajen taruka da dama don tattaunawa kan matakan ƙarfafa alaƙ tsakanin Turkiyya da Afirka.