Türkiye refuzon të gjitha deklaratat dhe qëndrimet që përpiqen të mohojnë gjenocidin në Srebrenicë ose të "lavdërojnë kriminelët e luftës", duke sfiduar vendimet e gjykatave ndërkombëtare, deklaroi të premten presidenti turk.

Fjalët e Recep Tayyip Erdoğan u përcollën  përmes një videomesazhi me rastin e 30-vjetorit të masakrës së Srebrenicës në vitin 1995, ku humbën jetën mijëra boshnjakë.

Erdoğan gjithashtu ritheksoi mbështetjen e vazhdueshme dhe të pakushtëzuar të Ankarasë për integritetin territorial, sovranitetin dhe rendin kushtetues të Bosnjë e Hercegovinës.

Duke prekur edhe sulmet e pandërprera të Izraelit në Gaza, Erdoğan theksoi se, ashtu siç komuniteti ndërkombëtar heshti para Srebrenicës dekada më parë, sot po qëndron thjesht si vëzhgues përballë shtypjes që po ndodh në Palestinë.

Erdoğan premtoi se qeveria izraelite do të mbahet përgjegjëse "herët apo vonë" përpara ligjit dhe historisë për gjenocidin ndaj gati 58.000 palestinezëve.