Një shpërthim ka ndodhur pas mesnate te zyrat e reja të Postës së Kosovës në Zveçan të Mitrovicës.

Zëvendësdrejtori i Policisë për Rajonin e Mitrovicës, Veton Elshani ka thënë se rasti ka ndodhur rreth orës 00:30, duke shkaktuar dëme materiale.

Sipas tij, janë shkaktuar dëme materiale, thyerje xhamash por nuk ka të lënduar..

Ai ka shtuar se njësitet përkatëse të policisë kanë dalë në vendngjarje dhe po zhvillojnë hetimet për rastin.

Ndërkohë, aty janë parë një numër i madh i zyrtarëve policorë, të cilët kanë nisur hetimet.