Әлем бойынша миллиондаған оқырманы бар «Wanderlust» журналының беделді «Саяхаттың жасыл тізімі 2025» шығарылымында Түркия әлемдегі ең экологиялық таза туристік бағыттардың бірі болды.

Ұлыбританияның ең көне және ең құрметті тәуелсіз туристік журналын туристер мен жаһандық туризм мамандары мұқият қадағалайды. «Wanderlust» - қоршаған ортаға жауапты бағыттар бойынша жетекші орган.

Еуропада, Америкада, Океанияда және Азияда қалың оқырманы бар журналдың Түркияны мойындауы елдің жасыл туризмге деген көзқарасының жаһан назарын аударуды жалғастырғанын көрсетеді.

Журналдың Түркияға арналған мақаласында елдің тұрақты туризмдегі көшбасшылығы және ЮНЕСКО-ның Дүниежүзілік мұралар тізіміне енген Немрут тауы көрнекті орын ретінде атап өтілген.

Монументалды мүсіндерімен Немрут тек мәдени маңызы бар орын ғана емес, сонымен қатар Түркияның қоршаған ортаны сезімтал басқару тәсілінің таңғаларлық көрнекі символы ретінде көлемді мақалада орын алды.

Мақалада Түркияның ЮНЕСКО-ның Дүниежүзілік мұралар тізіміндегі 21 алаңын тұрақты тәжірибелермен қорғауға бағытталған талпыныстары да бағаланды.

«Wanderlust»-тегі мақала Түркияның бай табиғи және мәдени құндылықтарын ғана емес, сонымен қатар жауапты, экологиялық сезімтал туризм саясатының жаһандық көрінісін көрсетеді.

Мәдениет және туризм министрлігінен жасалған мәлімдемеге қарағанда Түркия өзінің табанды талпыныстары және жоғары әсерлі жаһандық бастамаларымен тұрақты туризм саласындағы халықаралық көшбасшылығын тағы бір рет растады.

Туристік индустрияның ең ықпалды басылымдарының бірі «Wanderlust» жыл сайын «Саяхаттың жасыл тізімі» арқылы миллиондаған саяхатшының таңдауын қалыптастыруға көмектеседі.