Түркия Президенті Режеп Тайып Ердоған Ресей мен Украина арасындағы соғысты тоқтату мүмкіндігін жіберіп алмау керектігін айтты.

Президенттік аппарат жанындағы Коммуникация басқармасының мәліметінше, Ердоған бейсенбі күні Австрия канцлері Кристиан Штокермен телефон арқылы сөйлесіп, екіжақты қарым-қатынастарды, сондай-ақ аймақтық және жаһандық мәселелерді талқылады.

Әңгіме барысында Ердоған Газаға шұғыл гуманитарлық көмек жеткізудің аса маңызды екенін атап өтті.

Сирияға қатысты ол Түркияның елдегі тұрақтылықты қамтамасыз етуге күш салып жатқанын және сириялық босқындардың өз отандарына оралуын жеңілдету үшін әлеуметтік және экономикалық әл-ауқатты арттыру маңызды екенін айтты.

Президенттің айтуынша, Түркия мен Австрия сауда және инвестиция салаларындағы әлеуетті тиімді пайдаланып, ынтымақтастықты нығайту үшін қадам басуды жалғастырады.