АҚШ пен Қытай арасындағы сауда келісімі бойынша жүргізілген келіссөздер нәтижесінде келісімнің "аяқталғанын", бірақ оның күшіне енуі екі ел басшыларының ресми бекітуіне байланысты екені хабарланды.

Трамп сәрсенбі күні “Truth Social” желісінде жариялаған жазбасында АҚШ-тың “55 пайыз, ал Қытайдың 10 пайыз кеден салығын алып тастайтынын” атап өтті.

“Магниттер мен қажетті сирек жер элементтері Қытай тарапынан алдын ала жеткізілетін болады. Сонымен қатар біз де келісімді орындаймыз. Бұл келісімге Қытай азаматтарының біздің университеттерде білім алуы да кіреді (мен үшін бұл әрқашан тиімді болған!)” – деді Трамп. «Қарым-қатынас тамаша!» деп қосты ол.

Трамп кейінірек Қытай Халық Республикасының төрағасы Си Цзиньпинмен бірге «Қытайды америкалық саудаға тарту үшін тығыз ынтымақтастықта жұмыс істейтіндерін» айтты. Ол сөзін: «Бұл екі ел үшін де ҮЛКЕН ЖЕҢІС болады!!!» деп түйіндеді.

АҚШ пен Қытай шенеуніктері осы аптада Лондонда кездесіп, кедендік тарифтер мәселесін талқылады. Лондондағы келіссөздер барысында сирек кездесетін жер элементтерінің экспорты басты тақырыптардың біріне айналды.

АҚШ бұған дейін сәуір айында Қытайға жоғары кедендік салықтар енгізе бастаған, алайда тараптар мамыр айында бұл салықтардың алғашқы 90 күн ішінде кең ауқымда алып тасталуы жөнінде келісімге келген болатын.