Sabuwar kididdigar da Kamfanin Rarraba Wutar Lantarki na Nijeriya TCN ya fitar a ranar Talata ya nuna cewa wutar lantarkin da ake samu a ƙasar ta ƙaru inda ta haura megawatt 5,713.60.

Sabbin bayanan da TCN ya fitar ya sa wutar da ƙasar ke samu a 2025 zuwa mataki mafi girma da aka samu a shekaru huɗu da suka gabata.

A cewar TCN, an yi nasarar yada dukkan ƙarfin megawatt 5,713 na wutar da samu a ranar Talata.

Kasar ta sami mutar lantarki mai ƙarfin 5.543MW a ranar 14 ga Fabrairu.

"An samu wannan sabon ƙarin ne ne a ranar Talata, 4 ga Maris din 2025, inda aka samu ƙaruwar megawat 5,713.60 mafi girma wanda ya zarce na 5,543.20MW da aka samu a ranar 14 ga Fabrairun 2025," in ji TCN.

Ya fayyace cewa duk da cewa wannan sabon kololuwar ya kai megawatt 88 kasa da na kowane lokaci mafi girman mafi girma na 5,801.60 da aka yi rikodin a ranar 1 ga Maris, 2021, ya kasance babban nasara.

Ya kara da cewa mafi girman makamashin yau da kullun ya kuma tashi zuwa 125,542.06 megawatt-hours, daga 125,159.48MWh da aka samu a watan jiya.