Përmes një marshimi protestues nën sloganin “Liri për Madleenin, liri për Palestinën”, qytetarët përcollën mesazhin se “nuk mund të digjet e vërteta”.

Marshimi protestues u organizua nga një grup joformal qytetarësh në mbështetje të flotës dhe ekuipazhit të anijes Madleen, anëtarët e së cilës u ndaluan dhe u arrestuan nga ushtria izraelite në përpjekjen e tyre për të dërguar ndihmë humanitare për banorët e Gazës.

Qytetarët u mblodhën pranë fontanës Sebilj në Bashçarshinë historike, nga ku filloi marshimi dhe vazhduan përgjatë rrugëve Saraçi dhe Ferhadija. 

Gjatë marshimit, ata mbajtën një banderolë të madhe me mesazhin “Nuk mund ta digjni të vërtetën”, si dhe flamujt e Bosnjë e Hercegovinës dhe Palestinës.

“Gaza mezi ka marrë ndihmë për muaj të tërë. Njerëzit po vdesin nga uria, spitalet janë pa ilaçe dhe bota po hesht. Ky është minimumi që mund të bëjmë, për ta ngritur zërin tonë për drejtësi dhe humanizëm”, thanë organizatorët.

Marshimi paqësor përfundoi para Katedralës së Zemrës së Shenjtë.