Qindra protestues në ishullin grek Syros bllokuan një anije turistike izraelite, raportuan mediat lokale..

Protestuesit, të cilët mbanin pankarta që dënonin gjenocidin izraelit në Gaza dhe flamuj palestinezë, u mblodhën në zonën e portit, siguria e të cilit ishte rritur tashmë nga policia dhe autoritetet portuale greke, raportuan mediat lokale si Cylades24, Rosa dhe Syrospress.

Pasagjerët izraelitë të bllokuar në anijen "Iris Crown" iu përgjigjën protestuesve grekë duke valëvitur flamuj izraelitë dhe duke brohoritur disa slogane hebraisht dhe anglisht, të cilat nuk u kuptuan plotësisht për shkak të distancës dhe erës, thanë mediat.

Ndërkohë, mediat izraelite raportuan se ministri i Jashtëm Gideon Saar ka folur në telefon me homologun e tij grek, Giorgos Gerapetritis, dhe i ka kërkuar të ndërhyjë për të zgjidhur çështjen e ndalimit të anijes në Greqi.