Presidenti turk, Recep Tayyip Erdoğan, dhe kryeministri i Mbretërisë së Bashkuar, Keir Starmer, kanë diskutuar në një telefonatë progresin në blerjen e avionëve “Eurofighter”.

“Gjatë telefonatës u trajtuan marrëdhëniet dypalëshe Türkiye-Mbretëri e Bashkuar, si dhe çështjet rajonale dhe globale, dhe u shqyrtua progresi i bërë në lidhje me blerjen e avionëve ‘Eurofighter’”, bëri të ditur Drejtoria e Komunikimeve e Türkiyes në X.

Në njoftim thuhet se zhvillimet në këtë fushë kontribuojnë pozitivisht në bashkëpunimin midis Türkiyes dhe Britanisë.

Türkiye, e cila cilësohet si forca e dytë më e madhe ushtarake pas NATO-s, planifikon të blejë 40 avionë Eurofighter, të prodhuar bashkërisht nga Britania, Gjermania, Italia dhe Spanja. 

Ndërsa Mbretëria e Bashkuar ka synuar të vazhdojë me shitjen dhe të gjithë partnerët prodhues, përveç Gjermanisë. 

Megjithatë, kancelari gjerman Friedrich Merz sinjalizoi javën e kaluar se po bëhet përparim drejt një shitjeje të mundshme të avionëve Eurofighter aleatit të NATO-s, Türkiyes.

Gjatë telefonatës, presidenti turk ka shprehur optimizëm se negociatat në vazhdim për të përditësuar Marrëveshjen e Tregtisë së Lirë midis Türkiyes dhe Mbretërisë së Bashkuar do të japin rezultate brenda këtij viti.

Duke theksuar se situata humanitare në Gaza është e tmerrshme dhe se vdekjet nga uria nuk po parandalohen, Erdoğan ka paralajmëruar se ndihma humanitare duhet të lejohet në Gaza pa vonesë.