Disa palestinezë u plagosën pasi forcat izraelite hapën zjarr ndaj palestinezëve që kishin nxituar drejt një qendre shpërndarjeje ndihmash në Gazën jugore, disa orë pasi mekanizmi i ndihmës i mbështetur nga ShBA-ja u bë funksional.

"Plani i pushtuesit izraelit për të shpërndarë ndihma në të ashtuquajturën zonë tampon ka dështuar në mënyrë katastrofike", tha zyra e medias qeveritare në Gaza.

Thuhet se forcat izraelite kanë hapur zjarr pasi mijëra palestinezë të uritur vërshuan një qendër shpërndarjeje ndihmash.

E përditshmja izraelite Yedioth Ahronoth raportoi se punëtorët amerikanë të lidhur me Fondacionet Humanitare të Gazës u evakuuan nga Rafah pas bastisjes.