Ministria turke e Mbrojtjes Kombëtare njoftoi të hënën se trupat e saj në rajon nuk janë prekur nga sulmet e fundit raketore të Iranit të drejtuara ndaj bazave ushtarake amerikane në Katar dhe Irak.

Ministria theksoi se “nuk ka pasur pasoja negative” për njësitë apo elementët turq të vendosur në atë zonë dhe theksoi se janë marrë masat e nevojshme të sigurisë.

“Ngjarjet po monitorohen me kujdes”, thuhet në deklaratë.

Të hënën, Irani lëshoi një breshëri raketash ndaj bazës ajrore amerikane Al Udeid në Katar, duke shënuar një përshkallëzim dramatik të tensioneve pas sulmeve të kryera nga ShBA gjatë fundjavës ndaj tre objekteve bërthamore në Iran.