АҚШ Президенті Дональд Трамп сауда мен қауіпсіздікке қатысты шиеленістер жалғасып жатқан кезеңде маңызды сапармен жақында Қытайға баруы мүмкін екенін мәлімдеді.

Трамп сейсенбі күні Ақ Үйдегі кеңсесінде журналистерге: «Президент Си мені Қытайға шақырды, бұл сапарды таяуда жүзеге асырамыз», – деді.

«Сапар сәл кейінге жоспарланды, бірақ тым алыс емес. Көптеген кісі мені шақырды, жақын уақытта шешім  қабылдаймыз», - деп қосты ол.

«Reuters» агенттігінің хабарлауынша Трамп пен Си Цзиньпиннің кеңесшілері АҚШ президентінің алдағы айларға жоспарланған Азия сапары кезінде екі көшбасшының кездесу мүмкін екенін талқылаған.

Дереккөздерге сүйенсек, кездесу жоспары әлі нақты бекітілмеген, алайда Тынық мұхиты келіссөздері барысында Трамптың Оңтүстік Кореяда өтетін Азия-Тынық мұхиты экономикалық ынтымақтастық саммиті кезінде немесе 30 қазан мен 1 қараша аралығындағы іс-шара аясындағы кездесулер кезінде Қытайға сапар шегу ықтималдығы қарастырылған.

Трамптың тағы бір сапары Ресей президенті Владимир Путин қатысады деп жоспарланған 3 қыркүйекте Бейжіңде өтетін Екінші дүниежүзілік соғыстың аяқталуының 80 жылдығына арналған еске алу шарасы.

Ақ Үй мен Қытай үкіметі «Reuters» агенттігінің хабарына қатысты пікір білдіруден бас тартты.

Трамп Қытай төрағасы Си Цзиньпинмен кездесу жөніндегі мәлімдемесін Тынық мұхитындағы маңызды одақтас Филиппин президенті Фердинанд Маркоспен кездесу барысында жасады.

Ол Филиппинді Қытайдан алыстатқандарын айтты, алайда екі ел арасындағы қарым-қатынастың орнауына қарсылық білдірмейтінін де атап өтті.

Трамп соңғы аптада екіжақты тарифтермен артқан сауда соғысын тоқтатқаннан кейін Бейжіңмен шиеленісті азайтуға тырысты.

Шетелдік тауарлардың барлығына дерлік баж салығын енгізуге тырысатын Трамп бұл отандық өндірісті ынталандырады деп мәлімдеді, ал сыншылар америкалықтар үшін көптеген тауар қымбаттайды дейді.

Трамп барлық елден келетін өнімдерге 10%-дық  базалық тарифті ұсынды. Кейбір елдерден, атап айтқанда Қытайдан келетін импорт қазір ең жоғары тариф санатында 55%-ды құрайды.

Трамп АҚШ пен Қытай арасындағы тұрақты тарифтік келісімге қол жеткізудің соңғы мерзімін 12 тамызға белгіледі.

Екі ел арасындағы даулы мәселелерге Қытайдың Ресейге қолдауы, фентанилге байланысты химиялық заттардың саудасы, аймақтық қауіпсіздік мәселелері және кейбір америкалықтардың елден шығуына тыйым салуы жатады.