Polşada ilbaşı saylawlarınıñ ikençe turı yäkşämbe könne başlandı.

Yaqınça 29 million terkälgän saylawçı Varşava mêrı, liberal qaraşlı Rafal Tşaskovskiy belän konservativ millätçe Karol Navrośkiy arasındağı yarışta tawış birä.

İlneñ Milli saylaw komissiyäse saylaw uçaktoklarınıñ cirle waqıt belän irtänge säğät 7.00 dä açılıp, kiçke säğät 21.00 dä  yabılaçağın xäbär itte.

İkençe tur 18 maydağı berençe turda ber namzät tä 50% tan artıq tawış cıya almaw säbäple uza. Ul turda qatnaşu küläme 67,31% bulıp terkälgän ide.

53 yäşlek Tşaskovskiy berençe turda tawışlarnıñ 31,36%ın alıp az gına östenlek belän alda ide, 42 yäşlek Navrośkiy 29,54% tawış cıydı.

Bu saylaw näticäseneñ Polşanıñ säyäsi yünäleşenä häm Awrupa Berlege belän mönäsäbätlärenä möhim yoğıntı yasawı kötelä.