Drejtoria e Fabrikave Ushtarake të Türkiyes dhe kompania e mbrojtjes ‘Titra Technology’ kanë nënshkruar një marrëveshje për projektin e transformimit të helikopterëve pa pilot.

Marrëveshje e bashkëpunimit, e nënshkruar në Panairin Ndërkombëtar të Industrisë së Mbrojtjes (IDEF 2025) në Istanbul, synon t’i shndërrojë helikopterët pa pilot në platforma ajrore pa pilot.

Duke folur në ceremoninë e nënshkrimit, Imdat Ersoy, i cili drejton Drejtorinë e Fabrikave Ushtarake të Türkiyes, tha se kjo marrëveshje luan një rol vendimtar në sigurimin e gatishmërisë së vazhdueshme luftarake të forcave të armatosura.

Shefi ekzekutiv i kompanisë ‘Titra Technology’, Ekrem Ünlü, nga ana e tij, tha se ata nënshkruan një kontratë shumë të rëndësishme për ushtrinë turke dhe industrinë turke të mbrojtjes.

I gjithë sistemi do të zhvillohet me inxhinieri vendase

‘Titra Technology’ do t’i zhvillojë të gjithë komponentët e integruar në projekt me aftësi inxhinierike vendase.

Themeli i procesit të konvertimit do të jetë një suitë avionike e projektuar në mënyrë vendase, një sistem autopilot i prodhuar plotësisht në vend, një kompjuter i përparuar misioni dhe softuer i stacionit të kontrollit tokësor.

Infrastruktura prodhuese e kompanisë ‘Titra Technology’ dhe ekipi i testimit të fluturimit do ta mundësojnë gjithashtu që ajo t’i përshtatë shpejt këto teknologji në terren.