Tre palestinezë u vranë dje në një sulm të ushtrisë izraelite në një pikë shpërndarjeje ushqimi në lagjen Al-Tuffah në veri të Gazës.

Të plagosurit dhe trupat e të vdekurve u transferuan në Spitalin Baptist Al-Ahli.

“Pushtuesi izraelit vazhdon, edhe në këtë moment, të ndjekë një politikë që synon të gjitha aspektet e jetës në Rripin e Gazës. Vetëm pak çaste më parë, në shkollën Shaaban al-Raees në zonën Al-Tuffah, forcat pushtuese izraelite shënjestruan një grup civilësh me një sulm me dron, ndërsa ata po përgatisnin ushqim në një kuzhinë të përbashkët”, tha Mahmoud Basal, zëdhënës i mbrojtjes civile.

“Si rezultat, tre civilë u vranë dhe u raportuan më shumë se dhjetë të plagosur, ndërsa të plagosurit u transportuan në spital”, tha ai, duke thënë se kjo nuk është hera e parë që Izraeli sulmon kuzhinat e tilla, nga të cilat varen mijëra familje.

Ndryshe, të paktën 54.000 palestinezë janë vrarë nga sulmet izraelite që nga tetori i vitit 2023, shumica prej tyre gra dhe fëmijë.