Bashkimi Evropian ka aktivizuar rezervën e emergjencës për të ndihmuar në përballimin e zjarrit që përfshiu komunën e Finiqit në Shqipëri, pranë kufirit me Greqinë.

Përmes një postimi në rrjetet sociale, BE njoftoi se dy aeroplanë zjarrfikës nga flota e Mekanizmit të Mbrojtjes Civile të Bashkimit Evropian, të vendosur në Greqi, u angazhuan dje në operacionin për shuarjen e zjarrit.

“Një falënderim i madh për të gjithë zjarrfikësit që kanë punuar pa u lodhur për ta vënë nën kontroll zjarrin në Finiq”, thuhet në postim.

Vala e të nxehtit që ka përfshirë Ballkanin në ditët e fundit ka sjellë edhe përhapjen e zjarreve në disa vende të rajonit. Por Shqipërisë me flakët e zjarrit po luftojnë Greqia dhe Maqedonia e Veriut.