Presidenti i ShBA-së, Donald Trump tha se do të japin para dhe bileta avioni për emigrantët e parregullt që planifikojnë të largohen vullnetarisht nga vendi.

Duke folur për programin amerikan "Fox News Noticias" lidhur me politikën e imigracionit, Trump tha se aktualisht vazhdojnë t'i dëbojnë emigrantët "e këqinj" nga vendi. Ai njoftoi se po punojnë në një program për emigrantët e parregullt që duan të largohen nga vendi.

Trump theksoi se duan të japin para dhe bileta avioni për emigrantët e parregullt që do të largohen vullnetarisht nga ShBA-ja.

"Nëse ata janë të mirë dhe duam që ata të kthehen, ne do të punojmë së bashku për t'i kthyer ata sa më shpejt të jetë e mundur", tha ai.

Gjatë fushatës së tij zgjedhore, Trump ka thënë se donin të dëbonin "miliona emigrantë" ndërsa zëvendëspresidenti JD Vance tha se mund të fillonin me një milion emigrantë.

Si pjesë e luftës së tij kundër imigracionit të parregullt, Trump ka thirrur "Aktin e Armiqve të Huaj", një fuqi që më parë përdorej vetëm në kohë lufte, për të përshpejtuar deportimin e emigrantëve të lidhur me "organizatat e huaja terroriste".

Ligji i vitit 1798 i Trumpit për armiqtë e huaj i jep presidentit kompetenca të jashtëzakonshme për t’i synuar dhe dëbuar emigrantë pa dokumente.