Presidenti turk, Recep Tayyip Erdoğan, pati një bisedë telefonike të martën me Sheikh Mohammed bin Zayed Al Nahyan, homologun e tij të Emirateve të Bashkuara Arabe.

Sipas një deklarate nga Drejtoria Turke e Komunikimit, diskutimi u përqendrua në konfliktin midis Izraelit dhe Iranit, lidhjet dypalëshe dhe çështjet rajonale.

"Gjatë telefonatës, Presidenti Erdoğan deklaroi se spiralja e dhunës e shkaktuar nga sulmet e Izraelit ndaj Iranit përbën një rrezik për sigurinë e të gjithë rajonit, se rajoni nuk është në gjendje të pêrballojë një luftë tjetër", tha drejtoria.

Erdoğani gjithashtu theksoi përpjekjet për t'i dhënë fund përplasjeve përmes kanaleve diplomatike.

Çelësi për zgjidhjen e mosmarrëveshjes bërthamore me Iranin është kthimi te negociatat, tha ai.

Ai paralajmëroi se situata aktuale nuk duhet të eklipsojë situatën e rëndë humanitare në Gaza, duke paralajmëruar se nëse ndodh kjo, Bregu Perëndimor dhe Kudsin Lindor mund të kërcënohen gjithashtu me pushtim.