Vazhdojnë pritjet e qytetarëve në kalimin kufitar Attari-Wagah, i mbyllur pas tensionit midis Indisë dhe Pakistanit.

Pas sulmit terrorist nga persona të armatosur në qytetin Pahalgam të Xhamu dhe Kashmirit të administruar nga India, pika e kalimit kufitar Attari-Wagah është mbyllur për tregti dhe udhëtime.

Anadolu ka filmuar pritjet e gjata të qytetarëve në këtë kalim kufitar.

Të paktën 26 persona u vranë pasi disa persona të panjohur të armatosur më 22 prill hapën zjarr ndaj turistëve në Kashmirin e administruar nga India, duke e detyruar kryeministrin indian Narendra Modi të ndërpresë udhëtimin e tij në Arabinë Saudite.

Pas incidentit, India dhe Pakistani morën një sërë masash, përfshirë mbylljen e kalimit kufitar.