Fermat greke ndodhen në një gjendje të brishtë derisa ndryshimet klimatike po e godasin bujqësinë në mbarë Evropën.

Siç raportojnë mediat lokale duke cituar një studim të fundit nga banka investuese ‘Morgan Stanley’, Bashkimi Evropian (BE) si pasojë e rreziqeve të lidhura me klimën humbet 6,4 për qind të prodhimit të saj bujqësor vjetor, që përkthehet në 28 miliardë euro.

Sipas raportit, shtetet e Evropës Jugore dhe Evropës Lindore janë dukshëm më të ndjeshme për shkak të peshës që ka sektori bujqësor në ekonomitë e tyre.

Raporti thekson se 17,4 miliardë euro të humbjeve vjetore të bllokut lidhen me prodhimin e kulturave bujqësore dhe 10.9 miliardë euro të tjera me ndikimin në blegtorinë.

Në përgjithësi, thatësira, ngricat, breshëri dhe reshjet e tepërta përbëjnë 80 për qind të humbjeve bujqësore të shkaktuara nga ndryshimet klimatike në BE, me thatësirën e identifikuar si faktori kryesor.

Në Greqi, ku sektori bujqësor kontribuon me 3,3 për qind në prodhimit bruto të brendshëm, përqindja e tretë më e lartë në BE, sipas raportit, humbjet nga thatësira ekstreme e shkaktuar nga ndryshimet klimatike parashikohen të arrijnë në 3 miliardë euro në vit dhe pritet të shkojnë deri në 4 miliardë euro gjatë 25 viteve të ardhshme.