Presidenti amerikan, Donald Trump, njoftoi sot vendosjen e tarifave dytësore ndaj Venezuelës, duke e akuzuar atë për dërgimin e fshehtë të dhjetëra mijëra anëtarëve të bandave në ShBA.
Trump deklaroi se Venezuela ka qenë shumë armiqësore ndaj ShBA-së dhe ka dërguar mijëra kriminelë të nivelit të lartë, përfshirë vrasës dhe persona jashtëzakonisht të dhunshëm, duke përfshirë anëtarët e bandës “Tren de Aragua”, të cilën ai e shpalli organizatë terroriste në janar.
“Shtetet e Bashkuara do të vendosin tarifat dytësore kundër Venezuelës për arsye të shumta, përfshirë dërgimin e kriminelëve të nivelit të lartë në ShBA”, shkroi Trump në rrjetet sociale, duke shtuar:
“Ndër bandat që kanë dërguar në ShBA është edhe ‘Tren de Aragua’, e cila është shpallur organizatë terroriste e huaj. Jemi në procesin e kthimit të tyre në Venezuelë, një detyrë e madhe.”
Trump kërcënoi gjithashtu me një tarifë prej 25 për qind për çdo vend që blen naftë ose gaz nga Venezuela, duke deklaruar se kjo masë do të hyjë në fuqi më 2 prill.
